Хаартыскаҕа Айталина Аргунова түһэриитэ
Ил Дархан Айсен Сергеевич Николаев сэтинньи 7 күнүгэр Саха Өрөспүүбүлүкэтин норуоттарын национальнай култуураларын күнүн бэлиэтиир туһунан ыйаахха илии баттаабыта. Бу быһаарыныы этнокултууралар сайдалларыгар, сүппэттэригэр, Саха сирин норуоттарын үгэстэрэ күүһүрэллэригэр анаан ылылынна.
Саха сиригэр Норуоттар национальнай култуураларын күнэ баар буолла. Саҥа бырааһынньыгы ахсынньы бастакы өрөбүлүгэр бэлиэтиэхпит. Быйыл ол күн ахсынньы 3 күнүгэр түбэһэр. Манан сибээстээн Өксөкүлээх Өлөксөй аатынан норуоттар доҕордоһууларын дьиэтэ ахсынньы 3 күнүгэр, күнүс 13.30 ч . тэрээһинин саҕалыыр. Биһиги тэрээһиммит:
Тэрээһин чэй иһиитин сиэриттэн-туомуттан саҕаланыа. Салгыы, «Национальнай колорит — кэлэр кэскил платформата» куйаар эйгэ иһитиннэриитэ. Онтон 14.00 ч . «Саха сирин үгүс култуурата — сүдү көстүүтэ» — диэн улахан саалаҕа кэнсиэр буолара күүтүллэр. Саха сиригэр 135 араас омук олороро биллэр. Онтон биһиги сахабыт норуота, эбээннэр, эбэнкилэр, дьүкээгирдэр, чукчалар аҕыйах ахсааннаах норуот аатыгар киирэбит. Ол иһин, норуоттар икки ардыларыгар эйэлээхтик, биир сомоҕо буолан олорорбут, норуокка олус суолталаах, саргылаах уонна кэскиллээх – дии саныыбыт. Үөрүүлээх да, ыарахан да күннэргэ бары биир сомоҕо буолан иллээхтик-эйэлээхтик иннибит диэки эрэллээхтик эрдинэн иһиэҕиҥ диэн барыгытын ыҥырабыт.
Ис дууһабытыттан эһигини норуоттар национальнай култуураларын күнүнэн эҕэрдэлиибит.
Аахса барбаппыт атын омук диэн,
Атастарга үөрэбит,
Арахсыбаппыт хара — үрүҥ диэн,
Илиибитин биэрэбит.
Баҕарабыт сарсыҥҥы күҥҥэ эйэлээхтик олороргутугар, ситиһиини, эрэллээх доҕоттору. Тэрээһиҥҥэ кэлиҥ, сылдьыҥ, ыалдьыттааҥ.
А.Е.Кулаковскай аатынан норуоттар доҕордоһууларын дьиэтин пресс-сулууспата
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…