Хаартыска: оҥоһуу өй.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн ааттаатылар. Сылга ортотунан 70-100 тыһыынча солкуобай суумалаах буолуоҕа.
Дьиэ кэргэн нолуокка төлөбүрүн кэлэр сылга 7 мөлүйүөн кэриҥэ үлэлиир төрөппүт ылыан сөп. Ыалынан аахтахха, 11 мөлүйүөн оҕолоох 4 мөлүйүөн кэриҥэ ыал ылыахтаах. Бу Биир кэлим босуобуйаны ылар дьон ахсаанынааҕар элбэх.
Бу төлөбүрү иккиттэн элбэх оҕолоох дьиэ кэргэттэргэ биэриэхтэрэ. Дьиэ кэргэн дохуота хас биирдии киһиэхэ тиксэринэн, тиийинэн олоруу алын кээмэйин 1,5 төгүллээх сууматыттан намыһах буолуохтаах.
Төлөбүр төрөппүт хамнаһын кээмэйиттэн тутулуктаах, тоҕо диэтэр, бу төлөбүрү хамнастан төлөммүт НДФЛ нолуоктан төннөрөллөр (налоговый вычет). Ый аайы буолбакка, сылга биирдэ 70-100 тыһыынча солкуобайы олордон ылыахха сөп. Ол иһин “13-с хамнас” диэн ааттаатылар.
Төлөбүр кээмэйэ хамнастан төлөнөр НДФЛ нолуогун 7%-гар тэҥнэһэр.
Дьиэ кэргэн нолуокка төлөбүрүн ыларга 2026 сыл бэс ыйын 1 күнүттэн алтынньы 1 күнүгэр диэри сайабылыанньаны биэриэххэ сөп. Бүддьүөккэ бу сыалга 119 миллиард солкуобайы көрдүлэр.
Бэрэсидьиэн Владимир Путин этэринэн, дьиэ кэргэттэргэ саҥа төлөбүр атын социальнай көмө миэрэлэригэр эбии киирэн биэрэр. Нолуоктан төлөбүрү ылыы ньымата, бэрэсидьиэн бэлиэтээбитинэн, “олус судургу уонна табыгастаах” буолуохтаах.
Маны тэҥэ, 2026 сылга хат буолууга, төрөөһүҥҥэ босуобуйа муҥутуур кээмэйэ үрдээн, 955,8 тыһыынча солкуобайга тэҥнэһиэҕэ.
Бэрэсидьиэн этэринэн, кэлэр сылтан эрэгийиэҥҥэ төрөөһүн көрдөрүүтүнэн губернатор үлэтин сыаналыыр буолуохтара. Төрөөһүн намтыы турар, онон оҕолоох ыаллары өйүөххэ наада. Маны тэҥэ, элбэх оҕолоох ийэлэргэ Ийэ күнүгэр төлөбүрү оҥоруохха наада диэн Кириэмилгэ кэпсэттилэр.
2025 сылтан үһүс уонна онтон кэлэр оҕоҕо стандартнай нолуоктан төнүннэрии (налоговый вычет) 6 тыһыынча солкуобайга тэҥнэспитэ. Үһүс уонна онтон кэлэр оҕо төрөөтөҕүнэ бэриллэр 450 тыһыынча солкуобайдаах субсидияны биэрии бырагыраамата 2030 сылга диэри уһаата. Бу субсидияны 2019 сылтан 2030 сыл ахсынньы 31 күнүгэр диэри үһүс уонна онтон кэлэр оҕо төрөөбүт буоллаҕына, ипотеканы сабарга биэрэллэр.
Саха Өрөспүүбүлүкэтин баһылыга Айсен Николаев «Саха сирэ – Дьоруойдар дойдулара» каадыр бырагыраамата салҕанан барыаҕын туһунан…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…