Анал байыаннай эпэрээссийэҕэ ытык иэстэрин толоро быстах хомуурунан барбыт дьон, хантараагынан сулууспалааччылар уһуйааҥҥа сылдьар оҕолордоох буоллахтарына, ыйдааҕы төлөбүрүттэн босхолуур туһунан балаһыанньаларыгар уларытыы киллэриллибитэ.
Билиҥҥи туругунан ити балаһыанньаҕа сөп түбэһэр дьиэ кэргэттэр ыйдааҕы усунуостан босхолоннулар. Бу туһунан уопсай үөрэхтээһиҥҥэ, иитиигэ уонна эбии үөрэхтээһиҥҥэ судаарыстыбаннай политика департаменын сүрүн исписэлииһэ Туйаара Васильева бу курдук быһаарда:
— Быстах хомуурга барбыт дьон, хантараагынан сулууспалааччылар, баҕа өттүнэн барбыттар дьиэ кэргэттэрин өйүүргэ Ил Дархан балаҕан ыйыгар таһаарбыт дьаһаллара олоххо киирэн үлэлии тураллар. Өрөспүүбүлүкэ үрдүнэн сулууспалааччылар дьиэ кэргэттэрин өйүүр 7 миэрэ көрүллэр, онтон биирэ оҕо саадыгар сылдьар оҕолордоох төрөппүттэри ыйдааҕы усунуостан босхолооһун.
Өрөспүүбүлүкэ үрдүнэн 478 оскуола иннинээҕи үөрэхтээһин тэрилтэтэ баар. Ону таһынан 190-тан тахса оскуолаҕа, орто анал уонна эбии үөрэхтээһин тэрилтэлэригэр оскуола иннинээҕи саастаах оҕолору иитэр-үөрэтэр бөлөхтөр бааллар. Билиҥҥи туругунан этиллибит бары үөрэх тэрилтэлэрэ бу өйөбүлү балаҕан ыйыттан оҥоро олороллор, төрөппүттэри усунуостан босхолууллар.
Улуустар бэйэлэрин өттүлэриттэн дьаһал ылынан олороллор. Бу быстах хомуурга барбыт дьон, хантараагынан сулууспалааччылар детсадка сылдьар оҕолоох буоллахтарына, ыйдааҕы төлөбүртэн босхолуур туһунан балаһыанньаларыгар уларытыы киллэрэн бигэргэппиттэрэ. Билиҥҥи туругунан барыта 842 дьиэ кэргэн ыйдааҕы усунуостан босхолонно.
Алтынньыттан чааһынай оҕо саадтара бу миэрэни олоххо киллэрдилэр. Дьокуускай куоракка оскуола иннинээҕи саастаах, оҕону иитиигэ үлэлиир барыта 44 урбаанньыт баар буоллаҕына, 8 урбаанньыт бу өҥөнү 18 сулууспалыы сылдьааччы дьиэ кэргэттэригэр оҥоро олорор. Бу наһаа хайҕаллаах суол.
Төрөппүт «Е-Якутия» порталынан эбэтэр элбэх өҥөнү оҥорор киин нөҥүө сайабылыанньа биэрэр. Сэттэ өйөбүлтэн төрөппүт ханныгы таларын толорор. Онтон сайабылыанньа барыта туолан, анал тэрилтэлэргэ тиэрдиллэн, өҥө оҥоһуллар. Саха Өрөспүүбүлүкэтин Үөрэххэ уонна наукаҕа министиэристибэтин иһинэн өйөбүллэри олоххо судургутук киллэрэргэ суһал ыстаап үлэлиир. Төрөппүттэр сиһилии хоруйдары, быһаарыылары быһа «122» нүөмэринэн кэпсэтэн ылыахтарын сөп.
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…