Хаартыска: СИА
Сокуоннай саастарын ситэ илик оҕолор дьыалаларыгар куораттааҕы уонна өрөспүүбүлүкэтээҕи хамыыһыйалар күүс өттүнэн эмтэниигэ ыыппыт ийэлэрэ Наркология өрөспүүбүлүкэтээҕи диспансерыгар эмтэнэллэр. Билигин диспансерга 18 дьахтар эмтэнэр.
Кулун тутар саҥатыгар Наркология диспансерын реабилитацияҕа отделениетыгар Олох ыарахаттарыгар түбэспит оҕолордоох дьиэ кэргэҥҥэ көмөлөһөр киин юриһа Игорь Николаев кэлэ сырытта. Юрист хас биирдиилэрин кытары тус кэпсэтиитигэр төрөппүт быраабын быһыы уонна хааччахтааһын, алимены анааһын, ыал арахсыытын, оҕоҕо бэриллэр төлөбүр, олорор дьиэҕэ быраап туһунун ыйыталастылар.
Юрист Игорь Николаев реабилитация отделениетын хас да эмтэнээччитин дьыалатын үөрэтэ ылла. Билиҥҥитэ үс эмтэнээччи балаһыанньата дириҥник үөрэтилиннэ, ырытылынна.
Игорь Николаев: “Кинилэр көмө ылыахтарын баҕараллар уонна бэйэлэрин дьылҕаларын уларытарга көхтөөхтүк кытталлар. Сүрүнэ – куһаҕан дьаллыктан тутулуктаныыттан эмтэнии толору кууруһун ааһаллар уонна бэйэлэрин оҕолоругар бырааптарын төнүннэрэргэ кыһаллаллар. Онуоха биһиги туох кыалларын барытын оҥоруохпут”, — диэн иһитиннэрдэ.
Онтон Наркология өрөспүүбүлүкэтээҕи диспансера Киин ыытар дьонун арыгыттан босхо эмтиир. Өрүттэр көмөҕө наадыйар дьиэ кэргэни өйүүргэ күүстэрин ууруохтара.
Кэлэн иһэр саргылаах Саҥа дьылынан ытык-мааны сахам дьоно! Уһук хоту дьааҥы үрэх үрдүгэр турар Усуйаана…
Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.…
Дойдутааҕы МАХ мессенджергэ "Госуслуги. Култуура" диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура…
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…