Төрөппүттэр оскуола остолобуойун аһын амсайдылар

Бүгүн Дьокуускай куораттааҕы 39-с нүөмэрдээх оскуола остолобуойугар төрөппүттэргэ оҕолор аһыыр астарын амсаттылар. Тэрээһиҥҥэ биэс оскуола төрөппүттэрин ыҥырбыттар. Бу Ресурснай хааччыйыы киинэ итии аһылыгынан аһатар 39-с нүөмэрдээх, Саха-кэриэй оскуолаларын, Дьокуускай куораттааҕы лиссиэй, Оҕо айымньытын дыбарыаһын, Тиэхэньиичэскэй лиссиэй үөрэнээччилэрин төрөппүттэрэ.

Төрөппүттэр хас даҕаны көрүҥү амсайбыттар:

• — горуохтаах миини
• — куурусса эттээх гречкэни
• — куурусса кэтилиэтин
• — моркуоп салаатын
• — сүбүөкүлэ салаатын
• — “Оскуола” пиццаны
• — Повидлолаах ватрушканы.

Ону тэҥэ, саҥа киирэн эрэр доруобай быстах аһылыкка киирсэр ыстаакааҥҥа кутан бэриллэр сүөгэй соустаах оҕуруот аһын уонна фруктаны, үүттээх-сыырдаах соустаах оҕуруот астаах паастаны билиһиннэрбиттэр.

Амсайан баран төрөппүттэр бүлүүдэлэри сыаналаабыттар, баҕа санааларын эппиттэр. Ону тэҥэ, Эспиэртиир-сүбэлиир төрөппүттэр сэбиэттэрин тэрийэр туһунан быһаарыы ылыммыттар. Сэбиэт оҕолор аһылыктарын хаачыстыбатын хонтуруоллуоҕа, менюну тупсарыыга уонна тэрээһиннэргэ кыттыаҕа.  Бу туһунан Дьокуускай куораттааҕы оскуола аһылыга телеграм ханаалга сырдаталлар.