Хаартыска: Семен Семенов тиксэриитэ
Үөрэх дьылын түмүктүү Бэрдьигэстээххэ В.В.Филиппов аатынан улуустааҕы гимназия төрөппүттэрин түмсүүтэ Арассыыйатааҕы күөн күрэскэ кыайда.
Төрөппүттэр түмсүүлэрин көҕүлээһинин өйүүр Арассыыйатааҕы социальнай барыллар 2025 сыллааҕы күрэстэрин түмүгэ билиннэ. Саха сириттэн 10 барыл бэлиэтэммит. Ол иһигэр биирэ биһиги улууспутуттан.
Сиһилии сырдаттахха, В.В.Филиппов аатынан Бэрдьигэстээххэ улуустааҕы гимназия төрөппүттэрин түмсүүтэ Арассыыйатааҕы күрэскэ “Эр киһи оскуолата “Эр хоһуун” барылынан кыттыбыт. Сүрүн сыала-соруга — аҕа оруолун үрдэтии. Бу барыл чэрчитинэн, гимназия аҕаларын сүбэтэ оҕолору Сиинэ пааркатыгар сэттэ күннээх “Эр хоһуун” оскуолатыгар илдьэ барар былааннаах. Маны таһынан Бэрдьигэстээх даамбатыгар өбүгэлэрбит үтүө үгэстэрин тутуһан “Балыксыт күнүн” бэлиэтиэхтэрэ. Түмүктүүр тэрээһининэн “Аҕа уолунаан” бэстибээли тэрийэн ыытыахтара. Барыл ааптардара К.М.Васильева.,Е.Е.Алексеева., А.В.Ю уонна Аҕа сүбэтэ (сал. Н.Н.Ефремов, Бэрдьигэсиээх).
Төрөппүттэр холбоһуктарын көҕүлүүр уонна сайыннарар сыалтан, үөрэх министиэристибэтэ бу күрэһи ааспыт сылтан ыытар. Былааннаммыт тэрээһиннэр үрдүк таһымнаахтык, таһаарыылаахтык ааһалларыгар баҕарабыт.
Семен Семенов,
Горнайдааҕы кииннэммит библиотечнай ситим бырайыактыыр киинин исписэлииһэ
Хаартыска: Семен Семенов тиксэриитэ
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…