Хаартыска: prof-licey66.ru
Бу каартанан 4-тэн 14-гэр диэри саастаах оҕолор уонна төрөппүттэр бииргэ туһаныахтарын сөп буолуоҕа. Саҥа бырайыагы олоххо киллэрии идиэйэтин Госдума дьокутааттара туруорсаллар. Бу боппуруоска этиилэрин дьокутааттар РФ Култууратын миниистирэ Ольга Любимоваҕа үөрэтиигэ ыыттылар.
Каарта маннык ааттанара Арассыыйа суруйааччыларын ортолоругар Федор Тютчев тоҕус оҕо аҕата буоларынан бэлиэтэнэр. Оччотугар бырайыак дойду үрдүнэн дьиэ кэргэн сыаннастарын бөҕөргөтүүгэ уонна сайыннарыыга көмөлөһүөҕэ диэн этэллэр Госдума дьокутааттара.
Парламентарийдар бэлиэтээбиттэринэн, билигин 14-тэн 22-гэр диэри саастаах ыччаты өйүүргэ судаарыстыба суотугар «Пушкинскай каарта» бырагыраама 2021 сыл балаҕан ыйын 1 күнүттэн үлэлээбитэ. Каарта харчытын тыйаатырдарга, түмэллэргэ, киинэҕэ уонна кэнсиэртэргэ билиэттэри атыылаһарга туһаныахха сөп. Бырагырааманан 9 мөл. тахса ыччат туһаммыт уонна 50 мөл. тахса билиэт атыылаһыллыбыт.
Ол эрээри, оҕолорун кытта бииргэ төрөппүттэр туһанар кыахтара суоҕа «Пушкинскай каарта» бырагыраама улахан итэҕэһинэн ааҕаллар. Итинэн сибээстээн, дьокутааттар бу бырагыраама кыаҕын кэҥэтэргэ эбэтэр итиннэ майгынныыр саҥа бырайыагы оҥорорго этии киллэрэллэр.
Санаттахха, «Пушкинскай каарта» бырагырааманы кэҥэтэр наадалааҕын туһунан дойду Бэрэсидьиэнэ Владимир Путин Федеральнай мунньахха туһаайан этиитигэр сорудахтаабыта.
Саҥа бырагыраама олоххо киирдэҕинэ, дойдуга олорор бары дьиэ кэргэттэригэр духуобунай, сиэр-майгы өттүнэн сыаннастарын үрдэтиигэ, сөптөөх быһыыны-майгыны сайыннарарга көмөлөһөрө күүтүллэр.
Өлүөхүмэ улууһугар мууһу дэлби тэптэрии түмүгэр Хоро сэлиэнньэтигэр уу таһыма түстэ. Бу туһунан ЫБММ Саха…
Саха сиригэр баһаар сезона саҕаланан, ойууру кэтээн көрөр үлэлэр тиһиктээхтик бараллар. СӨ Экологияҕа министиэристибэтин Ойууру…
Саха сиригэр полиция учаастактааҕы боломуочунайдарын суһал рейдэ оҥороннор арыгыны сокуоннайа суох атыылааһыны арыйаллар. Ол курдук…
Саха киһитэ сөхтөҕүнэ уонна дьиибэргээтэҕинэ, эбиитин мунаардаҕына итинник диэччи. Бу сырыыга мин эмиэ итинник саҥа…
Өймөкөөҥҥө саас кэлиитэ ураты алыптаах. Ол ону талааннаах худуоһунньук, фотограф Семен Сивцев-Өймөкөөн Сэмэнэ түһэрбит хаартыскаларыгар…
"Сергей Шойгу оннугар Оборуона миниистиринэн анаммыт Андрей Белоусовы сахалар күтүөппүт, кэргэнэ Лариса -- композитор Марк…