Хаартыска: Суут бириистэптэрин сулууспата
Үөһээ Бүлүү оройуонун суутун бириигэбэрэ сокуоннай күүһүгэр киирдэ. Ити бириигэбэринэн муниципальнай автономнай тэрилтэ дириэктэрэ РФ Холуобунай Кодексатын 160-с ыстатыйатын 3-с чааһынан (бэйэҕэ иҥэринии) көрүллүбүт буруйу оҥорууга буруйдааҕынан билинилиннэ.
2024 сыл ахсынньытыгар тэрилтэ дириэктэрэ 700 000 солк. кэриҥэ бүддьүөтү таһынан үп-харчы туһаныллыбатах тобоҕун билэн, онтон сороҕун бэйэтигэр иҥэринэргэ быһаарыммыт.
Ол сыалтан кини бэйэ дьарыктаах буолуу (самозанятай) быһыытынан регистрацияламмыт дьону кытта уопсайа 491 734 солк. 80 харчы суумалаах араас өҥөнү оҥорууга үс сымыйа дуогабары түһэрсибит. Сарсыныгар сууттаммыт киһи ирдэбилинэн, самозанятайдар дуогабарынан киирбит харчыны устан, онтон 6% нолуогу тутан хаалан баран, дириэктэргэ биэрбиттэр.
Бу киһи ылбыт харчытыттан 73 300 солкуобайы бэйэтигэр иҥэриммит, оттон ордубут сууманы тэрилтэ үлэһиттэригэр бириэмийэ быһыытынан түҥэппит. Сокуону кэһэн ылбыт 73 300 солкуобайын бэйэтин тус наадатыгар туттубут. Суут бириигэбэринэн бу киһи буруйдааҕынан билинилиннэ уонна киниэхэ 2 сыл болдьоххо судаарыстыбаннай уорганнарга, олохтоох салайыныы уорганнарыгар, судаарыстыбаннай уонна муниципальнай тэрилтэлэргэ, тэрийэр-дьаһайар, административнай-хаһаайыстыбаннай толорор дуоһунастарга үлэлиир бырааба быһыллан, накаас ананна. Бу туһунан Саха сиринээҕи Сууттарын холбоһуктаах пресс-сулууспата иһитиннэрэр.
Бу быраабыланы кэһии иһин ыстараап кээмэйэ сокуоннай саастарын ситэ илик оҕолорго табах бородууксуйатын атыылааһын иһин…
Хас биирдии үөрэнээччи күннэтэ суругунан үлэни толорор. Ол гынан баран, аныгы үйэ тэриллэрэ сайданнар, дьон…
Оҕо бастакы күнүгэр ытаан-соҥоон уһуйааҥҥа барарыгар, сарсын үчүгэй буолуо диэн бэйэҕитин уоскутунаҕыт. Ол эрээри, биир…
Кэлиҥҥи сылларга дойду үрдүнэн чоҕу хостуур салаа кэккэ ыарахаттары көрүстэр да, Саха сирэ төттөрүтүн үрдүк…
Роспотребнадзор тымныйыы, ОРВИ, кириип уонна коронавирус саҥа сезона саҕаланыан иннинэ илиини чаастатык суунары, дистанцияны тутуһары,…
…Оҕо саас уһаабатаҕа. Ол иһин Николай Саввич күн сирин көрбүт, оҕо буолан оонньообут кэмиттэн, эппиккэ…