Тэрилтэ каассатыттан харчы сойбоппут

Дьокуускайдааҕы 1 №-дээх полиция отделыгар бар бэрэстэбиитэлэ кэлэн, бэрэбиэркэ кэмигэр 90 тыһ. солк. харчы итэҕэстэммиттэрин иһитиннэрбит.

Суһал-силиэстийэлиир үлэ түмүгэр холуобунай ирдэбил отделын үлэһиттэрэ уорбаланар киһини быһаарбыттар. Кини 33 саастаах, урут бу тэрилтэҕэ барменынан үлэлии сылдьыбыт киһи эбит.

Эр киһи баарга үлэлии сылдьан, каассаттан харчыны ыла сылдьыбыта билиннэ. Биир симиэнэтин кэмигэр каассаттан 20 000 солкуобайы уорбут. Уоруллубут харчытын спортивнай ыстаапкаларга бараабыт, ону төттөрү ыла сатаабыта кыаллыбатах. Онтон өссө 69 тыһыынча солкуобайы уорбут, ол кэнниттэн үлэтигэр кэлбэт буолбут. Буруйдаах киһи уорбут харчытын барытын сүүйтэрбит.

РФ Холуобунай кодексатын 160-с ыстатыйатын 1 чааһынан «Присвоение или растрата» диэн холуобунай дьыала тэриллибитин туһунан СӨ ИДьМ пресс-сулууспата иһитиннэрэр.