Тэрилтэлэр уонна улуустар байыаннай дьайыыга тиэхиньикэлэри ыыттылар

Бүгүн, бэс ыйын 13  күнүгэр, өрөспүүбүлүкэ тэрилтэлэрэ уонна улуустар байыаннай дьайыыга УАЗ массыынаны уонна биир квадроциклы ыыттылар. 

Тиэхиньикэлэр күлүүстэрин Биир кэлим координационнай киин салайааччытыгар, Донбасска көмө уонна өйөбүл Уһук Илиҥҥи пуондатын дириэктэрин эбээһинэһин быстах кэмҥэ толоро сылдьар Георгий Куркутовка туттардылар.

Ол курдук, тэрээһиҥҥэ «Сахателеком» ПАО «Ростелеком» филиалын дириэктэрэ Константин Войтеховскай, Томпо улууһун баһылыгын бастакы солбуйааччы Степан Кривошапкин, «Капитал» медстрах хампаанньа салайааччытын солбуйааччы Нюргуяна Винокурова кыттыыны ыллылар. Бу аахсыйа уустук кэмҥэ өрөспүүбүлүкэ олохтоохторо түмсүүлээхтэрин туоһулуур.