Васильевтар тус архыыптарыттан
Үөһээ Бүлүү олохтоохторо Васильевтар дьиэ кэргэн улуустарыгар бастакы бөдөҥ пиэрмэр бааһынай хаһаайыстыбатын быһыытынан биллэллэр.
– 1992 сыллаахха аан бастаан тэринэрбитигэр ыһыллыы-тоҕуллуу кэмэ буолан, уустуктардаах этэ. Ону ол диэбэккэ, санаабытын түһэрбэккэ, иннибит хоту баран испиппит. Билигин 305 төбө ынах сүөһүлээхпититтэн, ыанар ынаҕа – 127 төбө. Уонча бастайааннай үлэһиттээхпит. Икки уолбут бэйэлэрэ ыаллар. Улахаммыт Дьокуускайга – суһал массыына суоппара, кырабыт хаһаайыстыбабыт үлэтин дьаһайар. Онон оҕолорбут кыра эрдэхтэриттэн дьаһанан пиэрмэр буолан, билигин дьыалабытын салгыыллар. Сиэннэрбит эмиэ туһа дьон.
Эппитин-аспытын улууспут киинин социальнай тэрилтэлэригэр батарабыт. Онон уһуйааннар, гимназия, тиэхиньикум, оҕо успуордун оскуолата олохтоох этинэн толору хааччыллаллар. Маны таһынан, Оҕо дьиэтигэр, улуустааҕы тэрээһиннэргэ, ыһыахтарга харчынан, сүөһүнэн (бороһуонак, ньирэй) спонсордыыбыт, – диэн санаатын үллэстэр пиэрмэр дьиэ кэргэн ийэтэ Анна Семенова.
Кэрэхсэбиллээҕэ баар, Васильевтар дьиэ кэргэн бэйэ бородууксуйатын батарыыга эрдэттэн олук уурбут буолан, бу боппуруоска төбөлөрүн сынньыбаттар. Олохтоох этинэн хааччыллар буолан, отуттан тахса сыл улуус киинигэр оҕо, ыччат амтаннаах бэйэ аһынан аһыыр.
… Дьэ, ити курдук, тыа сирин дьоно үлэлэрин бэркэ аттаран, сонун сүүрээни киллэрэн, араас салааларга бэрт тахсыылаахтык үлэлии сылдьаллар.
Бүгүн, ыам ыйын 21 күнүгэр, өрөспүүбүлүкэ арҕаа, соҕуруулуу-арҕаа, соҕуруу улуустарыгар сөҥүүлээх, сөкүүндэҕэ 15-20 миэтэрэ түргэннээх…
Гражданскай оборуона дьыалаларыгар уонна нэһилиэнньэ олоҕор куттала суох буолуутун хааччыйыы миниистирин собуйааччы Яна Наумова киэһээҥҥи…
Күннээҕи олоҕу кытта тэҥҥэ хардыылыыр дьон түөкүттэр бааллар эбит. Аны оскуоланы бүтэрээри сылдьар оҕолорго үрдүк…
Ырыа күнүгэр аналлаах кэнсиэртэр оптуорунньукка, ыам ыйын 21 күнүгэр, Саха сирин бары куораттарыгар уонна сэлиэнньэлэригэр…
СӨ Ил Дархана Айсен Николаев Нам улууһугар оробуочай сырыытын чэрчитинэн, Хатырык олохтоохторун кытары көрсүһүү тэрийэн…
Өлүөхүмэ, Нам улуустарыгар халаан уутун содулун көрөн, киһи долгуйар, хараастар. Онон дьон-сэргэ уталыппакка эмсэҕэлээбиттэргэ бэйэтин…