Хаартыска уонна видео - Елена Потоцкая
Бүгүн Өймөкөөн улууһун Төрүт нэһилиэгэр оскуола боруогун аан маҥнай 7 кырачаан киһи эрэллээхтик атыллаан киирдэ.
Бу кырачааннар олоххо бэрт көхтөөх дьон. Кинилэр нэһилиэккэ «Чэчир» уһуйаан «сулустарынан» биллэллэр. Төрөөбүт дойдуларын туһунан бэрт элбэҕи билэр дьон. Кинилэр уһуйаан иитиллээччилэрин ортотугар ыытыллыбыт улуустааҕы көрүү-куонкуруска үлэлэрин бэрт ситиһиилээхтик көмүскүүр тэрээһиннэригэр сылдьыбыт буолан, билэр дьоммун көрбүт курдук сананным. Онно Люся Махмадиерова научнай-практическай кэмпириэнсийэҕэ эбээтэ Ольга Николаевнаны кытта Төрүт сугунун туһунан матырыйаал оҥорон, улууска 1-кы миэстэни ылбыта.
Төрүт орто оскуолатыгар быйыл 52 оҕо үөрэнэр. Кылаастарга сүрүннээн иккилии оҕолоохтор эбит. Үрдүкү кылаастарга — түөртүү-биэстии үөрэнээччи. Онон быйыл 1-кы кылааска икки кыыс, түөрт уол уонна биир оҕо дьиэттэн үөрэнэн, барыта 7 кырачаан Билии аартыгар үктэннилэр. Кырачааннары быйыл 1-кы кылааска уопуттаах учуутал Варвара Дьяконова ылла.
Варвара Олеговна Бүлүүтээҕи педагогическай кэллиэһи бүтэрэн баран, Дьокуускайдааҕы педагогическай институкка ситиһиилээхтик үөрэммитэ. Кыһыл дипломнаах эдэркээн учуутал 2015 сыллаахха Төрүт орто оскуолатыгар үлэлии кэлиэҕиттэн үлэтигэр бэрт бэриниилээхтик үлэлии сылдьар. Кини төрдүс выпуһуттан Төрүккэ номнуо үс кылаас оҕотун алын сүһүөх оскуолаттан кынаттаан таһаарбыт. Бүгүн Варвара Олеговна оҕолорун кытта сиэттиспитинэн үөрүүлээх линиэйкэҕэ киирэн кэлэн, барыбытын долгутта.
Орто оскуола дириэктэрэ Гаврил Павлуцкай Мэҥэ Хаҥалас Төхтүрүттэн төрүттээх Төрүт нэһилиэгин күтүөтэ. Элбэх оҕолоох Павлуцкайдар төрүккэ силистэрин тартылар. Бүгүҥҥү үөрэх дьылын аһар үөрүүлээх линиэйкэҕэ оскуола дириэктэрэ Гаврил Павлуцкай үөрэнээччилэргэ уонна төрөппүттэргэ инники былааннарын туһунан кэпсээтэ. Ол эбэтэр оскуола сайдар хайысхата уонна оҕону үлэнэн иитии тосхоллоро маннык буолуохтара:
Салгыы Гаврил Алексеевич оскуолаҕа туох интэриэһинэй тэрээһин ыытыллыахтааҕын билиһиннэрдэ:
Оскуолаҕа дириэктэри үөрэх чааһыгар солбуйааччы Мария Николаева оскуола үлэтин, учууталларын сырдатта:
Төрүт аҕыс кылаастаах оскуолатын бүтэрэн баран, төрөөбүт дойдутугар кэлэн үлэлии сылдьар, орто оскуола киэн туттар бастыҥ учуутала Светлана Босикова бэртээхэй аахсыйаны тэрийэн, оскуола устуоруйатыгар сонун сүүрээни киллэрдэ.
Мин санаабар, бу холобуру өрөспүүбүлүкэ бары оскуолалара да батыһыахтарын сөп курдук.
Педагогическай үлэ бэтэрээннэрэ быйыл 55-с сылын Билии күнүн көрсөр Галина Горчакова уонна быйыл педагогическай ыстааһа 50-с сылын туолбут уһуйааччы учуутал, Өймөкөөн улууһун Бочуоттаах гражданина Акулина Егорова бэйэлэрин оскуолаларыгар бэрт бэлиэтик чиэстэннилэр.
Галина Григорьевнаны 20 үөрэнээччитэ, Акулина Арьяновнаны 13 үөрэнээччитэ батыһан, билигин учуутал идэлээх буолан, өрөспүүбүлүкэ араас муннуктарыгар үлэлии сылдьаллар эбит. Бу икки бэтэрээн, уһуйааччы учууталлар нэһилиэк көхтөөх уопсастыбынньыктара, кинилэр көмөлөрө, өйөбүллэрэ суох биир да тэрээһин буолбат. Учуутал үрдүк аатын сүгэр, өрүү холобурга сылдьар дьон кинилэр — биһиги тапталлаах учууталларбыт. Учуутал уонна Уһуйааччы сылын Билии күнүгэр бэтэрээн-учууталлар санааларын маннык үллэһиннилэр:
Төрүт орто оскуолатын Бастакы чуораанын тыаһатар чиэскэ 11-с кылаас үөрэнээччитэ Алексей Павлуцкай уонна 1-кы кылаас үөрэнээччитэ Люся Махмадиерова тигистилэр.
Аатырбыт сылгыһыт, Социалистическай Үлэ Дьоруойа Г.А. Кривошапкин аатынан Төрүт орто оскуолатын үөрэнээччилэрэ төрөөбүт нэһилиэктэрин дорҕоонноохтук ааттаталлар. Кинилэр научнай-практическай кэмпириэнсийэлэргэ өрүү бастыыллар, сыыппара аныгы көрүҥнэрин, ньыматын олохтоохтук, дэгиттэр баһылаабыт оҕолор.
Кинилэри идэлэригэр бэриниилээх чаҕылхай учууталлар үөрэтэллэр. Ол да иһин буолуо, төһө да кыра кэмбилиэктээх оскуола ахсааныгар киирдэллэр, Төрүт оскуолатын оҕолоро барытыгар бастыҥнар.
Ити курдук, бүгүн Билии күнүн чаҕылхайдык арыйбыт оҕо саас сып-сылаас уйата, Төрүт орто оскуолата, ааккын аар-саарга аттатан, үүнэ-сайда тур диэн алгыыбыт!
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…