Өймөкөөн улууһун Төрүт нэһилиэгэр былырыын саҥа састаабынан талыллыбыт дьахталлар сэбиэттэрэ бэрт көхтөөх үлэни ыытар.
Уопсастыбанньыктар хайа күн үлэлэрин саҕалаахтарыттан, нэһилиэк ытык кырдьаҕастарын болҕомтоҕо ылбыттара. Ол курдук, кырдьаҕастарга дьиэлэринэн сылдьан баттахтарын кырыйан, бэлиэ үбүлүөйдэригэр бэлэх туттаран, ытык дьону өрүү үөрдэ сылдьаллар.
Кырдьаҕастар аан дойдутааҕы күннэрин Төрүт бэтэрээннэрэ олус сэргэхтик бэлиэтээтилэр. Ол курдук, быйыл үбүлүөйдээх кырдьаҕастар Ирина Егорова, Акулина Егорова 75 саастарын томточчу туолбуттарынан, Акулина Берёзкина 85 сааһын туолбутунан истиҥ эҕэрдэни кытта дьахтар сэбиэтин аатыттан бэлэх туттулар.
Үтүө дьыала уонна кырдьаҕастар күннэрин чэрчитинэн, дьахтар сэбиэтин чилиэннэрэ «Күһүн үтүө бэлэҕэ» диэн аахсыйа тэрийдилэр. Бу бэйэлэрин Төрүттэригэр үүннэрбит оҕуруоттарын аһын бэлэх ылан, тыыл бэтэрээннэрэ Афанасий Десяткин, Христина Каландарова, Ульяна Слепцова, Мария Кондакова, соҕотох олорор үлэ бэтэрээннэрэ Ульяна Слепцова, Афанасий Гермогенов, Анна Слепцова оҕолуу үөрдүлэр, долгуйдулар. Маны таһынан, үтүө дьыала сылын чэрчитинэн дьахтар сэбиэтэ бу күһүн «Оҕону оскуолаҕа тэрийии» аахсыйатын ыытан, сэттэ оҕолоох Беляевтарга уонна биэс оҕолоох Шеломовтарга оскуола тээбиринин уонна оскуолаҕа кэтэр таҥастары ылан биэрэн, төрөппүттэр сүҥкэн махталларын ылбыттара.
Тэрээһин манан бүппэт. Дьахтар сэбиэтэ «Сибэкки бастыҥ тэлгэһэтэ» уонна «Бастыҥ оҕуруотчут» номинацияларга бастыҥнары ааттаата. Бу күннэргэ дьахтар сэбиэтин чилиэнэ, учуутал Екатерина Кривошапкина уһуйаан бэтэрээнигэр Ирина Егороваҕа тиийэн, баттаҕын кырыйда. Ити курдук, Төрүт уопсастыбанньыктара биир дойдулаахтарын олохторун киэргэллэр.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…