Төрүт Сокуоҥҥа уларытыылар киирэллэригэр 55 дьокутаат сөбүлэҥин биэрдэ

Сергей Сивцев, Ил Түмэн дьокутаата:

-Ил Түмэн 14 пленарнай мунньаҕар Саха Өрөспүүбүлүкэтин Төрүт Сокуонугар уларытыылары киллэриини көрдүбүт. Бастакынан көрүллүбүт Төрүт Сокуоммут уларытыылара ылылыннылар, 55 дьокутаат сөбүлэҥин биэрдэ. Бу уларытыылар бары биһиги өрөспүүбүлүкэбит инники сайдыытыгар, иннин диэки баран иһиитигэр туһуланаллар. Ол курдук үөрэхтээһиҥҥэ оҕо 9 кылаас кэнниттэн бэйэтин баҕатынан орто анал үөрэххэ туттарсар эбэтэр 10-11 кылааска салгыы босхо үөрэнэр. Быыбар туһунан этэр буоллахха, бу 33 №-дээх  саҥа федеральнай сокуон быһыытынан улуустарга икки таһымнаах быыбар киирэр. Нэһилиэк баһылыктара талыллыахтара, улуус баһылыгын дьокутааттар бигэргэтэллэр. Онон улахан уларыйыылар суохтар, барыта өрөспүүбүлүкэ интэриэһин туһугар үлэлииллэр.