Хаартыска: ааптар түһэриитэ
Владимир Прокопьев, олохтоох бэйэни салайыныыга Ил Түмэн бастайааннай кэмитиэтин бэрэссэдээтэлэ:
—Төрүт Сокуоҥҥа уларытыылар киириэх буолбуттара хаһыс да сыла буолла. Тоҕо диэтэххэ, Арассыыйа Конституцията 2023 сыллаахха уларыйбыта, оттон субъектар былаастара хайдах үлэлиэхтээхтэрин, туох боломуочуйалаах буолуохтаахтарын туһунан 414 №-дээх саамай сүрүн базовай сокуон 2022 сыллаахха олоххо киирбитэ. Биһиги 33 №-дээх сокуону кэтэһэммит балачча хойутаан уларытыылары киллэрдибит. Тоҕо маннык уларытыылар киирэллэрий?
Хомойуох иһин, аһаҕастык этиэххэ наада, кэккэ дьоннор бэйэлэрэ ситэри өйдөөбөккө сылдьаннар норуокка улахан бутууру таһаардылар – үөрэх төлөбүрдээх, Ил Дархан баайбытын атыылыыр буолар, олохтоох бэйэни салайыныыны суох гыналлар үһү диэн. Сорохтор билэ-билэ соруйан, сорохтор бэйэлэрэ да ситэри аахпакка гынан баран маннык бутууру таһаараллара олох сыыһа. Саха норуота сүрдээх грамотнай, өйдөөх норуот, итини барытын сөптөөхтүк өйдүүр уонна билэр.
Бүгүн бу Төрүт Сокуоҥҥа уларытыылары киллэрии олохпут ирдэбилэ. Бу нуормаларынан биир да норуокка да, өрөспүүбүлүкэҕэ да куһаҕан оҥоһуллубата. Ол оннугар тупсарыы, чопчулааһын баар буолла. Федеральнай Конституцияҕа сөп түбэһиннэрэн, сүрүн түгэннэрбитин чуолкайдаатыбыт. Мин биирдии нуормаҕа тохтуу барбаппын, маны үчүгэйдик аахпыт, атын сокуоннары кытта сөп түбэһиннэрэн үөрэппит киһи чопчу өйдүүр уонна норуокка сөптөөхтүк сырдатыахтарын наада.
Бэҕэһээ Leonardo авиа билиэти үлэһии (бронирование) систиэмэтигэр улахан кэһиллии таҕыста. Ростех судаарыстыбаннай корпорацияҕа бэлиэтээбиттэринэн, бу…
Арассыыйа доруобуйатын харыстабылын министиэристибэтэ гириибинэн ыалдьыбыт улахан дьоҥҥо көмө оҥоруутун ыстандаартын бигэргэттэ. Докумуоҥҥа сурулларынан, ыарыһаҕы…
Киин куоракка түүҥҥү кулууптарга буруйу оҥоруу, охсуһуу нэдиэлэ ахсын кэриэтэ тахса турар. Ааспыт сыл ахсынньы…
Саха таҥаһын үрдүк таһымҥа таһаарбыт биллэр худуоһунньук, модельер-дизайнер, педагог Августина Филиппова аатын улахан алмааска иҥэрдилэр.…
Оҕо быраабын туһунан ийэ үҥсүүтүн кэнниттэн Өлүөхүмэ улууһун борокуратуурата бэрэбиэркэ ыытта. Өлүөхүмэ куоракка 16 саастаах…
Анал байыаннай дьайыы бэтэрээнэ Атаджан Акиев эйэлээх олоххо эргиллэн кэлэн, Уус Маайа улууһун балыыһатыгар үлэтин…