Төрүт таҥаһы сөргүтүүгэ аналлаах куонкурус ыытылынна

«Олоҥхо дойдутун оһуордаах оонньуута» бэстибээл чэрчитинэн, бу күннэргэ Сунтаар сэлиэнньэтигэр саха эр киһитин кыһыҥҥы төрүт таҥаһын көрүү куонкуруһа ыытылынна.

Тэрээһиҥҥэ 19 нэһилиэк кытынна. Сүрүн соругунан эр дьон кыһыҥҥы төрүт таҥаһын тарҕатыы уонна умна быһыытыйбыт төрүт таҥаспытын сөргүтүү, дьону тигэргэ көҕүлээһин буолар. Дьүүллүүр сүбэ састаабыгар төрүт таҥаһы тигиигэ ааттаах- суоллаах маастардар киирдилэр. Урукку өттүгэр маннык ис хоһоонноох куонкурус улууска ыытылла илигэ. Төһө да бастакытын тэрилиннэр үлэлэр үрдүк сыанабылы ыллылар. Иис үлэтигэр нэһилиэк дьоно бары туруннаҕына эрэ бастыҥ, үйэлээх үлэлэр тигиллэн кэлэр көлүөнэҕэ хаалыахтара.

Сунтаартан Мира АФАНАСЬЕВА.