Мария Аргунова хаартыскаҕа түһэриитэ
Сэтинньи 28 күнүгэр Күлүмнүүр аатынан култуура дыбарыаһыгар РФ норуотун үөрэҕириитин туйгуна, «Кэнчээри» оҕо тэрилтэтин үрдүк категориялаах наставник иитээччитэ Клавдия Ивановна Васильева үбүлүөйдээх 75 сааһынан «Оскуола иннинээҕи саастаах оҕоҕо уһуйаан усулуобуйатыгар төрөөбүт тылын сүмэтин иҥэрии, сайыннарыы» тиэмэтигэр илин эҥээр улуустарын үөрэҕин уокуругар педагогическай ааҕыылар уонна үөрүүлээх тэрээһин ыытылынна.
Кэнчээри ыччаты төрөөбүт тылга бастыҥ уһуйааччы, 14 кинигэ ааптара «Мин сахабын», «Ньургуһунна бэлэхтээ» диэн саҥа кинигэлэрин үөрүүлээх биһирэмэ тэрилиннэ. Итиэннэ Клавдия Ивановна айымньыларынан видеонан инсценировка улуустааҕы күрэһигэр «Күнчээнэ» оҕо тэрилтэтэ бастаабытын биллэрдилэр.
Төрөөбүт тылы бастыҥ тарҕатааччыларынан «Мүрүчээнэ» оҕо тэрилтэтиттэн Вероника Аммосова, «Мичээр» оҕо саадыттан Эльвира Костромина, «Күнчээнэттэн» оҕо саадыттан Ньургуяна Портнягина буоллулар.
Үбүлүөйдээх дьоро күнүнэн улуус баһылыгын солбуйааччы Алексей Тарасов, Мүрү баһылыга Прокопий Румянцев эҕэрдэлээтилэр.
Кэлэр көлүөнэбит бигэ тирэхтээх буоларыгар төрүт тылбытын иҥэрэрбит үрдүк суолталааҕын бу дьоро киэһэ бигэргэттэ.
Светлана Сивцева,
«Мүрү саһарҕата» телеграм-ханаалтан.
Кыстыкка киириигэ саха дьоно номнуо идэһэлэрин дьаһайан, аһы-үөлү хаһааналлар. Бүгүн биһиги сүөһү уонна убаһа иһиттэн…
Арассыыйа Дьоруойа, уос номоҕо буолбут «Алеша» тааҥка наводчик-эпэрээтэрэ Алексей Неустроев Бүтүн Арассыыйатааҕы мас-рестлинг федерациятын вице-бэрэсидьиэнинэн…
Бу нэдиэлэҕэ Саха Өрөспүүбүлүкэтин сэттис ыҥырыылаах Судаарыстыбаннай Мунньаҕын (Ил Түмэн) XV (уочараттаах) пленарнай мунньаҕа буолан…
Ахсынньытааҕы хамнас Саҥа дьыл бырааһынньыктарыгар түбэһэр буоллаҕына, үлэни биэрээччи үлэһиттэрин хамнаһын эрдэ төлүөхтээх диэн ТАСС-ка…
Сэтинньи 25 күнүгэр «Олоҥхо» дэкээдэтин уонна «Хомус күнүн» көрсө Таатта улууһун И.В. Николаев аатынан Харбалаахтааҕы…
“Сонор суолугар” Мэҥэ Хаҥалас Майа сэл. олохтооҕо Иннокентий Неустроев бу сырыыга саһыл сыатын туһунан маннык…