“Төрүт ситим” олоҥхо күрэһин кыайыылаахтара билиннилэр
![](https://sakha-sire.ru/wp-content/uploads/2023/12/telke-1-1024x596.jpg)
Cаха Өрөспүүбүлүкэтигэр Олоҥхо декадатын чэрчитинэн, V төгүл ыытыллар өрөспүүбүлүкэтээҕи “Төрүт ситим” дьиэ кэргэнинэн олоҥхону олоҕурбут ньыманан толоруу күрэһэ ахсынньы 4 күнүгэр Алгыстаах Арчы Дьиэтигэр ыытылынна.
Күрэскэ барыта 9 дьиэ кэргэн күөн көрүстэ. Ол курдук, Үөһээ Бүлүүттэн, Бүлүүттэн, Чурапчыттан, Тааттаттан, Мэҥэ Хаҥаластан, Уус Алдантан уонна Дьокуускай куораттан кытыннылар.
Дьүүллүүр сүбэҕэ үлэлээтилэр:
— «Арчы Дьиэтэ» духуобунай култуура киинин бастакы дириэктэрэ, СӨ култууратын үтүөлээх үлэһитэ Надежда Семеновна Толбонова;
-СӨ култууратын үтүөлээх үлэһитэ, Материальнайа суох култуурунай нэһилиэстибэ киинин сүрүннүүр исписэлииһэ Зоя Григорьевна Сысолятина;
СӨ култууратын туйгуна, СӨ култууратын үтүөлээх үлэһитэ, А.Д. Макарова аатынан Дьокуускайдааҕы Култуура уонна ускуустуба кэллиэһин сүрүннүүр исписэлииһэ Мария Гаврильевна Боппоенова;
Күрэс түмүгүнэн кыайыылаахтары быһаарылыннылар:
Кылаан бириис — Лукиннар дьиэ кэргэн (Таатта улууһун, Уус Таатта нэһилиэгэ).
Анал ааттар:
“Түөлбэ олоҥхотун үһүйэн үйэтитээччилэр” — Верховцевтар дьиэ кэргэн (Мэҥэ Хаҥалас улууһун Дьаҥхаада нэһилиэгэ);
“Сэргэх сэһэн сэргэстэспит, чуор куолас кыттыспыт олоҥхоһуттара” — Павловтар дьиэ кэргэн (Чурапчы улууһун Чурапчы нэһилиэгэ);
“Кылыгырас кэрэ куоластаах олоҥхоһуттар” — Харайдановтар дьиэ кэргэн (Таатта улууһун Дьохсоҕон нэһилиэгэ);
“Айан аартыктаах, арылы кустуктаах олоҥхоһуттар” — Захаровтар дьиэ кэргэн (Чурапчы улууһун Хатылы нэһилиэгэ);
“Бөтөрөҥ дьоруонан дьоруолата айаннатар олоҥхоһуттар” — Платоновтар дьиэ кэргэн (Дьокуускай к.);
“Төрүт ситими ууһатар удьуор олоҥхоһуттар” — Белолюбскайдар дьиэ кэргэн (Уус Алдан улууһун Баатаҕай нэһилиэгэ);
“Ураты тойуктаах, сонун кэпсээннээх олоҥхоһуттар” — Ефремовтар дьиэ кэргэн (Үөһээ Бүлүү улууһа);
“Кэрээбэт кэпсэллээх, өрөөбөт тойуктаах олоҥхоһуттар” — Григорьевтар дьиэ кэргэн (Бүлүү улууһа).
Күндү кыттааччыларбытыгар чэгиэн доруобуйаны баҕарабыт, ситиһии сиэттистин, табыллыы аргыстастын! Уруйдаах олоҥхобут үйэлэртэн үйэлэргэ, үйэ саас тухары үүнэн сайдан истин!
Любовь КОНСТАНТИНОВА-КЫТАЛЫ КУО
![](https://sakha-sire.ru/wp-content/uploads/2023/12/telke-1-e1701766848834.jpg)
![](https://sakha-sire.ru/wp-content/uploads/2023/12/telke-2.jpg)
![](https://sakha-sire.ru/wp-content/uploads/2023/12/telke-3.jpg)
![](https://sakha-sire.ru/wp-content/uploads/2023/12/telke-4.jpg)
![](https://sakha-sire.ru/wp-content/uploads/2023/12/telke-5.jpg)
![](https://sakha-sire.ru/wp-content/uploads/2023/12/telke-6.jpg)
![](https://sakha-sire.ru/wp-content/uploads/2023/12/telke-9.jpg)
![](https://sakha-sire.ru/wp-content/uploads/2023/12/telke-10.jpg)
Сообщить об опечатке
Текст, который будет отправлен нашим редакторам: