«Тэтим» араадьыйа бирииһигэр хапсаҕайга турнир ыытыллар

Дьокуускайга ыам ыйын 6 күнүгэр «Тэтим» араадьыйа 95 сылыгар  хапсаҕайга аһаҕас турнир буолуоҕа. Ол туһунан «Якутия 24» информационнай портал иһитиннэрэр.

Турнирга спортсменнар икки ыйааһыҥҥа киирсиэхтэрэ — 75 кг диэри уонна онтон үөһэ (икки бөлөҕүнэн -А уонна Б). Кыайыылаахтар уонна призердар өйдөбүнньүк мэтээллэри, сыаналаах бириистэри, оттон абсолютнай чөмпүйүөннэр 50 тыһыынча солкуобайдаах сэртипикээттэри тутуохттара. Ону таһынан анал бириистэр баар буолуохтара.

«Күрэхтэһиигэ ааттаах-суоллаах биллэр  бөҕөстөр уонна эдэр талааннаах спортсменнар кыттыахтара. Турнир Саха сирин успуорт олоҕор улахан суолталаах түгэнинэн буолар чинчилээх», — диир «Тэтим» араадьыйа дирекциятын кылаабынай эрэдээктэрэ Николай Бястинов. «Маннык турниры араадьыйа үбүлүөйдээх сылыгар анаан ыытарбыт улахан чиэс-бочуот. Хапсаҕайдаһан тустуу успуорт эрэ буолбакка, биһиги култуурабыт уонна төрүт үгэспит.  Спортсменнары өйөөн, көрөөччүлэргэ чаҕылхай киирсиилэри бэлэхтиэхпит. Быһа эпиир өрөспүүбүлүкэ успуорду сэҥээрээччилэрин түмүөҕэ», — диэн кини бэлиэтээтэ.

Турнир бырагыраамата:

• 11:00–12:30 — ыйааһыннаныы;
• 13:00–13:45 — тэрээһин үөрүүлээх аһыыллыытын сиэрэ-туом;
• 14:00–16:30 — финал;
• 16:30–17:30 — наҕараадалааһын.

Турнир 3 №-дээх анал оҕо-ыччат успуорт оскуолатыгар ыытыллар.  Спортсменнар ыам ыйын 6 күнүгэр диэри сайаапка ыытыахтарын наада.

Тэрийээччилэр — Саха сирин хапсаҕайга Федерациятын көмөтүнэн «Саха» НКИХ. Билсэр төл. +7 924 360-98-06, Станислав Афанасьев.