Тэттик сүбэлэр

Уугун хана утуй. Күн аайы хайаан да 8 чаас утуйуохтааххын. Үлэҕин түүн хойукка диэри оҥоруохтааҕар эрдэ туран оҥорбут ордук.

• Күҥҥүн былааннаа, туһалаахтык атаар. Тугу ыларгын, ааҕаргын, оҥороргун испииһэктээ.
• Үтүөнү оҥор. Чугас дьоҥҥор, аймахтаргар, көмөҕө наадыйааччыларга төһө кыайаргынан көмөлөс, өйдөө.
• Олох үтүө эрэ өттүн көр. Хас биирдии киһи олоҕо — хартыына. Төрөппүттэриҥ эйиэхэ ыраас лиис биэрэллэр. Рамка — дьылҕа, тулалыыр эйгэ — кырааска. Хайдах уруһуйдуургун, киэргэтэргин бэйэҥ билэҕин.
• Кимиэхэ да ымсыырыма, хаһан да ордугурҕаама. Ымсыырыы — биир саамай куһаҕан мөкү өрүт. Атын дьону көрбөккө бэйэҥ баҕа санааҕын толорорго дьулус.
• Кыракый да кыайыыгын, ситиһиигин бэлиэтээ. Бэйэҕэр кыракый бэлэхтэ оҥоһун, сөбүлүүр дьыалаҕынан дьарыктан.
• Сөпкө аһаа. Күннээҕи аһылыккар оҕуруот аһа, фрукта, үүт ас, о.д.а. туһалаах ас баар буоларыгар кыһалын.

Саха ыалын халандаарыттан, 2017 с.