Хаартыска: ааптар түһэриитэ
Евгения Михайлова, ХИФУ бэрэсидьиэнэ:
— 1997 с. Михаил Ефимович Николаев ыҥырыытынан үөрэх миниистиринэн үлэлии кэлбитим. Мин идэбинэн ахсаан учууталабын, онон ити хайысхаҕа биһиги оҕолорбут көрдөрүүлэрэ Москва, Санкт-Петербург үөрэнээччилэриттэн итэҕэһэ суох буолуохтаах диэн сыал-сорук туруорунан, үлэлээн киирэн барбыппыт. Биллиилээх математик учууталлар Николай Соловьев, Виктор Потапов, Никифор Павлов, Михаил Федоров сыралаах үлэлэрин түмүгүнэн РФ олимпиадаларын кыайыылаахтара баар буолан барбыттара уонна саамай кылаабынайа РФ национальнай сүүмэрдэммит хамаандатыгар киирбиттэрэ. Онтон салгыы физикаҕа ситиһиилэнэн барбыппыт, салгыы информатикаҕа.
Ил Дархан туһаайан этиитигэр тиэхиньиичэскэй каадырдар аҕыйаары гыннылар диэн дьиксинэрин биллэрдэ. Биһиэхэ университет иһинэн Е.А. Борисов көҕүлээһининэн СУНЦ тэриллэн үлэлии турар. Онно оҕолору үс түһүмэҕинэн талан ылабыт. Бу оҕолор салгыы университекка үөрэнэн, бэйэбит каадырдарбыт буолаллар. Киини бүддьүөккэ ылаллара буоллар диэн Ил Дархаҥҥа, бырабыыталыстыбаҕа эрэнэбит. Билигин манна 200-чэкэ оҕо физико-тиэхиньиичэскэй, физико-математическай, биолого-экологическай, о.д.а хайысханан үөрэнэ сылдьаллар. Онон бу хайысхалар исписэлиистэрин хааччыйабыт диэххэ наада. Фундаментальнай математиканы бүтэрбит киһи хайысхата атын, оскуолаҕа учууталлыы барбат. Биирдэ Бырабыыталыстыба бэрэссэдээтэлин 1 солбуйааччы Дмитрий Садовников эрийэн этэр: “Госдуума сенатордарын, дьокутааттарын, атын куораттар баһылыктарын кытта “Водоканалга” сырыттыбыт. Онно хас этээс аайы, хас биирдии лабаратыарыйаҕа үлэлии олорор дьонтон, ханна үөрэммиккитий диэн ыйыттахтарын аайы, ХИФУ выпускниктарабыт диэн иһэллэр. Кэлбит ыалдьыттар соһуйа быһыытыйбыт сирэйдэрин көрөргө үчүгэй этэ”. Дьэ бу биһиги преподавателлэрбит каадырдары иитэн таһаарар үлэлэрин түмүгэ. Онон Ил Дархан эппитин курдук, биһиги Хотугулуу-Илиҥҥи федеральнай университеппыт өрөспүүбүлүкэ үрдүк үөрэҕин флагмана буолуон буолар.
Бэнидиэнньиккэ, 2025 сыл ахсынньы 29 күнүгэр, СӨ Үөрэҕин уонна наукатын миниистирин солбуйааччы Степан Андреевич Степанов…
Сэҥээрэ Саҥа дьыллааҕы хоһоонноро. Дорообо, кыһыммыт! Тулабыт иһийдэ, Налыйда-наскыйда. Уһаата-кэҥээтэ Уоскута чуумпурда... Дьэ онтон үөһэттэн…
Арассыыйаҕа 2026 сыл тохсунньу 1 күнүттэн «суол бэлиэлэрин, бэлиэлэри, светофордары, суол күрүөлэрин уонна сирдиир тэриллэри…
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Ааспыт сууккаҕа Саха сиригэр биэс буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары…
Ньурба улууһун Октябрьскай нэһилиэгэр байыаннай дьайыы кыттыылаахтарын оҕолоругар Саҥа дьыллааҕы бэлэхтэри туттардылар. Хаһыс да сылын…