Тиэхиньикэни уонна наадалаах малы-салы тиэрдии салҕанар

Суһал ыстаап байыастарга тиэхиньикэни уонна наадалаах малы-салы тиэрдэр үлэтин салгыыр.

Бу туһунан СӨ Гражданскай оборуона дьыалаларыгар уонна нэһилиэнньэ олоҕор-дьаһаҕар куттал суох буолуутун хааччыйар миниистир Дмитрий Лепчиков иһитиннэрдэ. «Иһитиннэрэн турарбыт курдук, тэрилтэлэр байыастарга анаан тиэхиньикэ биэрэллэр. Билигин СӨ Ил Дарханын уонна Бырабыыталыстыбатын автобаазатын күүһүнэн бэриллибит тиэхиньикэни көрөр-истэр уонна чөлүгэр түһэрэр үлэ ыытыллар. Маны таһынан, СӨ быыһыыр сулууспатынан бу тиэхиньикэни тирэх пууннарга ыытарга кыраапык оҥоһулунна», — диэн этэр Дмитрий Лепчиков.