Салгыы
Тиэлигигэ «Өбүгэ үгэһэ» күрэхтэһии буолла

Тиэлигигэ «Өбүгэ үгэһэ» күрэхтэһии буолла

30.03.2024, 18:20
Хаартыскалар: С.Макарова уонна С.Пахомова
Бөлөххө киир:

Мэҥэ Хаҥалас улууһун Тиэлигитигэр кулун тутар 30 күнүгэр үгэскэ кубулуйбут, булчуттар күннэринэн сибээстээн тэрилтэлэр икки ардыларыгар иккис сылын «Өбүгэ үгэһэ» күрэхтэһии буолан ааста.

Уопсайа 4 хамаанда кытынна: 1 Наахара нэһилиэгин олохтоох дьаһалтата, А.А. Пахомов аатынан Тиэлиги орто оскуолата, Тиэлигитээҕи дьиэ-уот хомнуаалынай хаһаайыстыбата уонна Кэскил ыччаттар түмсүүлэрэ. Эстафета түмүгүнэн кыайыылаахтарынан буоллулар:

  • 1 миэстэ лскуола кэлэктиибэ;
  • 2 миэстэ дьаһалта кэлэктиибэ;
  • 3 миэстэ ыччаттар

Ону таһынан хамаанданан абсолютнай канаатынан тардыһыы күрэхтэһиигэ олохтоох дьаһалта хамаандата бэйэтигэр тэҥнээҕин булбата. Онтон ойбону тэһиигэ биирдиилээн күрэхтэһиигэ  кыайыылаахтарынан ааттаннылар:

  • 1 миэстэ — Герман Константинов;
  • 2 миэстэ — Николай Гермогенов;
  • 3 миэстэ — Роман Макаров.

Быйыл улуустааҕы култуура уонна успуорт эстафетатыгар Тиэлигилэр 3 миэстэ буолбуттарынан, Күбэйэ дьахталлар түмсүүлэрэ торт астаан, олохтоох дьаһалта сылаас чэйинэн уонна кутааҕа буспут плов буһаран нэһилиэнньэни күндүлээтилэр. Олохтоохтор бары үөрэн-астынан, тото-хана аһаан, бэйэлэрин хамаандаларыгар ыалдьан, кыайыылаахтар бириис тутуурдаах, сүрдээх сэргэхтик бириэмэлэрин атааран тарҕастылар. Бу күннэргэ Тиэлигилэр өрүү кыайыы өрөгөйүн билэн, биир дойдулаахтарынан киэн туттар, улуус биир үрдүк таһымнаах нэһилиэгинэн биллэр.

+1
6
+1
0
+1
0
+1
0
+1
0
+1
0
+1
0
Бары сонуннар
Салгыы
16 апреля
  • 3°C
  • Ощущается: 0°Влажность: 32% Скорость ветра: 3 м/с

Сообщить об опечатке

Текст, который будет отправлен нашим редакторам: