Тиэлигигэ — “Кини кимий?” оонньуу

Соторутааҕыта Мэҥэ Хаҥалас Тиэлигитигэр С.И.Борисова аатынан култуура дьиэтигэр сэргэх тэрээһин буолан ааста. “Кини кимий?” диэн интерактивнай оонньуу дьону түмтэ. Уопсайа 4-түү киһилээх түөрт хамаанда оонньоото. Эдэрдэр, орто саастаахтар, дьаһалта үлэһиттэрэ уонна аҕам саастаахтар хамаандалара кытыннылар.

Улахан экраҥҥа хаартысканы көрөн олорон, кини кимин таайдыбыт. Саха сирин күрэсчиттэрэ, ырыаһыттара, салайааччылара, суруйааччылара, бары норуокка биллэр-көстөр дьон. Тэрээһин үрдүк таһымнаах буолан, “Алгыс” диэн аҕам саастаахтар хамаандалара кыайан, 5 тыһ. солк. сэртипикээтинэн наҕараадаланна. Атын хамаандалар эмиэ бэлиэ суругунан бэлиэтэннилэр.

Култуура киинин салайааччыларыгар Трофимов Д.Г., Трофимова В.У., бибилэтиэкэр Сергеева С.Н.нэһилиэк олохтоохторун аатыттан махтанабыт. Инникитин да үлэлэригэр үрдүк ситиһиилэри, дьону-сэргэни өрүү сэргэхситэ сылдьалларыгар баҕарабыт.

Иннокентий Кириллин, үлэ бэтэрээнэ, СӨ тыатын хаһаайыстыбатын туйгуна, 2025 с. С.Борисова Анал стипендиятын хаһаайына.