В.Алексеев ыытта
Кулун тутар 21-22 күннэригэр Мэҥэ Хаҥалас улууһугар Хара нэһилиэгин сиригэр-уотугар баар “Куоҥ Харах” ипподромугар өрөспүүбүлүкэтээҕи “Сылгыһыт күнүн” чэрчитинэн сылгыһыттар күрэхтэһиилэрэ буолаары турар.
“Куоҥ Харах” ипподрома Сэбиэскэй кэмтэн ыла ат сүүрдээччилэргэ киэҥник биллэр сир. Онон быйыл СӨ Тыатын хаһаайыстыбатын уонна аска-үөлгэ бэлиитикэтин министиэристибэтэ тэрийэр өрөспүүбүлүкэтээҕи күрэхтэһиитин сэҥэрээччи үгүс буолара күүтүллэр.
Быйылгы күрэхтэһиигэ хаһаайыттар – мэҥэ хаҥаластартан кыттар хамаандалар ортолоругар улуустарын чиэһин I Наахара нэһилиэгин Тиэлиги хамаандата (баһылык И.К.Исаков) эмиэ көмүскүөҕэ.
— Тиэлиги хамаандата улуустааҕы сылгыһыттар күрэхтэһиилэригэр кыайан, быйыл, дьэ, өрөспүүбүлүкэтээҕи күрэхтэһиигэ кыттаары олоробут. Бу иннинэ улуустааҕы күрэхтэһиилэргэ хаста да кыттыбыппыт. Биһиги нэһилиэкпит хамаандата түөрт киһилээх. Ол курдук, Егор Иванович Федоров, Иван Егорович Федоров, Павел Николаевич Солдатов, Артур Родионович Петров кыттыахтара. Бары да сылгыны иитиигэ уопуттаах дьон. Сарсын сарсыарда Хараҕа айаннаары олоробут. Федоров Гаврил Михайлович атынан кыттабыт. Аппытын тиэйэр массыыналаахпыт. Дьоммутун Петров Родион Анатольевич массыынатынан илдьиэ-аҕалыа. Онон күүспүт-кыахпыт тиийэринэн улууспут, нэһилиэкпит чиэһин көмүскүөхпүт. Барыта этэҥҥэ буоллун, — диэтэ нэһилиэк тыа хаһаайыстыбатын исписэлииһэ Владимир Владимирович Алексеев.
Хаартыска: нэһилиэк улуустааҕы күрэхтэһиигэ кыттыбыт түгэннэриттэн
"Путь воина" байыаннай-тактическай күрэхтэһиигэ бэҕэһээ Волгоградскай уобалас «Сталинград» уонна Тюменьскай уобалас «Соболь» хамаандалара күөн көрүстүлэр.…
«Чолбон» сурунаал балаҕан ыйынааҕы нүөмэригэр: - «Улуу Кыайыы айымньыларыгар» норуот суруйааччыта Николай Лугинов номоххо киирбит…
ИДьМ Тааттатааҕы салаатын дьуһуурунай чааһыгар, 83 саастаах аҕам саастаах киһиэхэ кимэ биллибэт киһи саба түспүтүн…
Саха Өрөспүүбүлүкэтин Судаарыстыбаннаһын күнүгэр, балаҕан ыйын 27 күнүгэр, 19:00 чаастан Ил Дархан Айсен Николаевы кытта…
Дьокуускайга ПСБ баан Саха Өрөспүүбүлүкэтигэр аан бастаан ыытыллыбыт “ЭтноРан.ЯКУТИЯ 2025” спортивнай-култуурунай сүүрүүнү өйөөн, тэрээһин анал…
ЫБММ пресс-сулууспата иһитиннэрбитинэн, балаҕан ыйын 17 күнүгэр түүн 02:13 ч. баһаарынай-быыһыыр сулууспаҕа Горнай улууһугар Аһыма…