Хаартыска sakha.gov.ru ылылынна
Саха сирин уон нэһилиэнньэлээх пуунугар федеральнай бырайыак иитинэн тиэргэннэри тупсаран оҥоруохтара.
Саха сиригэр «Уһук Илин тиэргэннэри тупсарыы» бырагырааманан бырайыактары сүүмэрдээһин куонкуруһа түмүктэннэ. Архитектураҕа уонна куораты тутууга управлениетыттан иһитиннэрбиттэринэн, куонкуруска 49 муниципальнай тэриллииттэн барыта 84 сайаапка киирбит.
2024 сылга бырайыагы олоххо киллэрэргэ 10 нэһилиэнньэлээх пууҥҥа 14 тиэргэни тупсаран оҥорорго анаан 102 мөл. солк. тахса суума көрүллүбүт.
—Чугастааҕы кэмнэргэ муниципальнай тэриллиилэри кытары сөбүлэһиилэр түһэрсиллиэхтэрэ. Муус устар 1 күнүгэр диэри сакаасчыттар бэдэрээччиттэри кытары хантараагы түһэрсиэхтээхтэр. Үлэ хантараак түһэрсилиннэ да, саҕаламмытынан барара былааннанар. Бастакы эбийиэктэри балаҕан ыйыгар үлэҕэ киллэриэхтэрэ. Кэлимник тупсарыы бырайыагынан биһиги тупсаҕай уонна куттала суох тиэргэннэри тэрийэбит. Кылаабынайа, оҕолор уонна улахан дьон маннык тупсарыллыбыт тиэргэннэргэ сынньаныахтарын баҕаралларын курдук буолуохтаах. Оонньоон, ыалларын кытары сэлэһэн, дьиэ кэргэнинэн бырааһынньыктары, араас тэрээһинэри оҥорон, — диир Ил Дархан архитектураҕа уонна куораты тутууга управлениетын салайааччыта Любовь Папок.
2024 сылга «Уһук Илин тиэргэннэри тупсарыы» бырайыак сирин-уотун аадырыстаах испииһэгэ:
Дьокуускайга
Дзержинскэй уул. 45/1, 45/2
Ленин уул. 38
Кузьмин уул. 14
Можайскай уул. 17/8
Можайскай уул. 17/4
Нерюнгригэ
Тимптон уул. 3, 3/1
Алдаҥҥа
Достовалов уул. 8
Мииринэйгэ
Аммосов уул. 98/1, 98/2 уонна Солдатов уул. 2/1
Удачнайга
Новый город мкр., МКД № 22
Өлүөхүмэҕэ
Урицкай уул. 16, 18
Нам улууһугар, Тумулга
Мир уул. 24
Аллараа Халымаҕа, Черскэйгэ
Молодежнай уул. 5
Хаҥаласка, Күөрдэмҥэ
Ленин уул. 27 А
Чурапчыга,Төлөй-Дириҥ
Улуу Сыһыы, 31
Санатан эттэххэ, Уһук Илин тиэргэннэри саҥардан оҥоруу туһунан 2021 сыллаахха балаҕан ыйыгар РФ Бырабыыталыстыбатын бэрэссэдээтэлин солбуйааччы — Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев иһитиннэрбитэ. 2022 сыллаахха Саха сирэ «Уһук Илиҥҥэ 1000 тиэргэн» бырагырааманы олоххо киллэриигэ 846 мөл.солк. сууманы ылбыта. Уопсайа 37 куоракка уонна сэлиэнньэлэргэ 124 тиэргэн уонна дьоҕус паарка, итинтэн 75 өрөспүүбүлүкэ киин куоратыгар тупсарыллан оҥоһуллубуттара. 2023 сыллаахха 61 тиэргэни тупсаран оҥорорго 429 мөл. солк. көрүллүбүт.
Саха сиригэр дьоҕус уонна орто биисинэһи мэктиэлээһининэн өйүүргэ саҥа бородуукта үлэлээтэ. Бу туһунан Урбааны сайыннарыы…
Дьокуускайга «Спортивнай» түөлбэҕэ сыл бүтүөр диэри элбэх өҥөнү оҥорор успуорт саалатын тутуута түмүктэниэ. «2021 сылтан…
Дьокуускайга алтынньы 24 күнүгэр Саха сиригэр уонна Арассыыйаҕа Ийэ күнүгэр анаммыт тэрээһиннэри ыытыахтара. Саха сирин…
СӨ Ил Дархана Айсен Николаев уонна «Универсальнай университет» (Universal University) АН үрдүк үөрэх тэрилтэтин дириэктэрэ…
Өрөспүүбүлүкэтээҕи 2 нүөмэрдээх балыыһа-Мэдиссиинэ суһал көмөтүн киинин хирургияҕа мобильнай киинэ Булуҥ улууһун Оройуоннааҕы киин балыыһатыгар…
Бастатан туран, оҕолор уонна ыччат билимҥэ, чинчийэр үлэҕэ интэриэстэрин тардар сыалтан Саха сиригэр сыл аайы…