Тиэстэлээх ойоҕос, «Дархан» пельмень

Иннокентий Тарбаахап саха аһылыгар аналлаах кинигэлэрин көрөн уонна ааҕан баран, хайдах даҕаны кинигэҥ долбууругар кистээн кэбиспэккин. Кини үлэлэрэ  хас биирдии хаһаайка «остуолун кинигэлэрэ» буолан, күннээҕи туттуллар күндү бэлэххэ кубулуйаллар.  «Золотые рецепты якутской кухни» кинигэттэн ырысыаптар. 

«Дархан» пельмень

Биир киилэ пельмеҥҥэ:
420 г. убаһа эриллибит этэ;
170 г. эриэппэ луук;
200 г. хаппыыста.
Тиэстэҕэ:
15 мл уу;
400 г бурдук;
Ууга туус кутабыт, бурдугу сиидэлиибит уонна хойуу, имигэс тиэстэни мэһийэбит. Сотторунан сабан баран, 30 мүнүүтэ устата тымныы сиргэ уурабыт. Бу бириэмэҕэ убаһа этин эриэппэ луугу кытары эрийэбит. Бытархай гына кырбаммыт хаппыыстаны уонна күөх үүнээйини эриллибит эккэ эбэбит, сөбүн көрөн туус уонна биэрэс кутабыт. Бэлэм пельмеммитин ууга буһарабыт, сүөгэйдээн уонна кетчуптаан баран, остуолга уурабыт.

Тиэстэлээх ойоҕос

850 г. ойоҕос;
40 г. уксуус;
20 г. сыа, туус, биэрэс.
Тиэстэҕэ:
280 г. үүт;
200 г. бурдук;
1/4 сымыыт;
туус.

Ойоҕоһу уҥуохтарыттан  араарабыт, кыратык  эмти охсобут, туустуубут уонна биэрэстиибит. 3 бырыһыаннаах остолобуой  уксууһунан ыстарабыт  уонна 20 мүнүүтэ  «сынньатабыт». Үүккэ сымыыт, туус уонна бурдук  эбэн, кытаанах тиэстэни  мэһийэбит. 100 грамм ыйааһыннаах өлүүскэлэргэ үллэрэбит уонна дьоҕус лэппиэскэлэри тэнитэбит. Хас биирдии лэппиэскэ ортотугар биирдии кырбас эти уурабыт. Онтон хобордооххо икки өттүттэн кытархайдыҥы өҥнөнүөр диэри соркуойдуубут. Буспутун кэннэ көстүрүүлэҕэ  ууран баран, ыһаарылыыр кэмҥэ тахсыбыт убаҕаһы кутабыт уонна духуопкаҕа угабыт.