Тиис алдьаныытын кыайар кыах көһүннэ дуо?

Воронеж учуонайдара Бразилия, Египет уонна Соҕуруу Корея учуонайдарын кытта тиис эмээлин бүрүйэр нанокомпозитнай чараас пленканы айдылар.

Саҥа матырыйаалы хинолинтан (бу холбоһук чэпчэкитик полимеризацияланар уонна туруктаах плёнкалары үөскэтэр) уонна наногидроксиапатиттан – дьиҥнээх эмээли үөскэтэр веществоттан айан таһаарбыттар. Бу компоненнар холбоһуктарынан тииһи соттоххуна, 30 мүнүүтэ буолан баран кини кытаатар уонна эмээли бүтүннүү бүрүйэн плёнканы үөскэтэр.  Тиис бэйэтин тутулуттан туох да уратыта суох уонна микробтар дьайыыларыгар утарсыыны күүһүрдэр, диэн Арассыыйатааҕы билим пуондатын пресс-сулууспата иһитиннэрдэ.