Дойду үрдүнэн «Фагглердар» (Fuggler) диэн аатынан биллэр, тиистээх, киэҥник тарҕаммыт монстр-оонньуурдары эргинэри хааччахтыырга этии киллэрдилэр. Маннык көҕүлээһини «Православная Россия» Бүтүн Арассыыйатааҕы уопсастыбаннай хамсааһын бэрэссэдээтэлэ, Брянскай уобаластааҕы дуума дьокутаата Михаил Иванов иһитиннэрдэ.
«Маннык оонньуурдар куһаҕан дьүһүннэринэн уонна айылҕаҕа сөп түбэспэттэринэн уопсастыбаҕа эйэни уонна норуоттар икки ардыларынааҕы иллээх сыһыаны олохсутарга көмөлөспөттөр, төттөрүтүн, оҕо бөҕөргүү илик өйүгэр-санаатыгар дьалхааны үөскэтэллэр уонна үтүө-мөкү туһунан өйдөбүлү уларыталлар», — диэн дбьокутаат эттэ.
Life.ru ааҕыныстыбаны кытта кэпсэтиинэ парламентарий бэлиэтээбитинэн, оҥоһуу тиистээх дьикти куукулалар оҕо уйулҕатыгар куһаҕаннык дьайыахтарын уонна төрүт үгэс буолбут сыаннастары алдьатыахтарын сөп. Иванов этэринэн, «Фагглердар» маассабайдык тарҕаныылара Ugly Cute диэн төрүөккэ олоҕурбут маркетинговай хампаанньа үлэтэ турар.
Кини уопсастыба өйө-санаата олоҕун устуоруйатыгар үөскээбит үгэстэргэ, православнай култуураҕа уонна сиэргэ-майгыга олоҕуран сайдыахтааҕын бэлиэтээтэ. Иванов сөптөөх уонна кутталлаах өйдөбүллэр икки ардыларынааҕы кыраныысса сотуллуута оҕолорго аймалҕаны үөскэтиэн уонна кинилэр уйулҕа өттүнэн ылынар дьоҕурдарын кэһиэн сөбүгэр болҕомтону тарта. Кини маннык оонньуурдар оҕо сайдыытыгар дьайыыларын бары өттүнэн чинчийиини ыытарга эспиэрдэргэ, психологтарга уонна педагогтарга сорудахтыыры наадалааҕынан ааҕар. Дьокутаат санаатынан, куһаҕан дьүһүнү киэргэтэн көрдөрүү уонна атын ирдэбиллэри соҥнооһун кэлэр көлүөнэ култуурунай уонна сиэр-майгы өттүнэн кутталы үөскэтэр.
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…