«Тиксии — Найба» маастар-былаана оҥоһуллар

Кулун тутар 30 күнүгэр Ил Дархан Айсен Николаев Москваҕа оробуочай сырыытын кэмигэр  РФ Арктическай зонатын тирэх пууннарыгар киирбит «Тиксии — Найба»  агломерация маастар-былаанын оҥорууга туһуламмыт  сүбэ-мунньаҕы ыыппыта. 

Мунньахха  маастар-былааны оҥорор «ДОМ.РФ» АУо, «Сибирская лаборатория урбанистики» ХЭУо, СӨ министиэристибэлэрин уонна биэдэмистибэлэрин бэрэстэбиитэллэрэ кыттыыны ылбыттара. СӨ Арктиканы сайыннарыыга миниистирэ Владимир Черноградскай телеграмҥа:

-Бу үлэни оҥорууга Ил Дархан өрөспүүбүлүкэ  ситэриилээх былааһын уорганнара көхтөөхтүк кытталларыгар бэлиэтээн эттэ.  Араас салаалар исписэлиистэрин кытары бииргэ үлэлээн, ураты уонна   инновационнай бырайыак  буолуоҕа. Үлэ ылыныллыбыт  дорожнай каартаҕа олоҕуран ыытыллар. Онон маастар-былаан бырайыага ыйыллыбыт болдьоҕор оҥоһуллан бүтэн, РФ Бэрэсидьиэнин көрүүтүгэр киллэриллиэҕэ, — диэн суруйда.