Тиксиигэ буурҕа түспүтүгэр саастаах дьахтар сүттэ
![](https://sakha-sire.ru/wp-content/uploads/2024/01/photo_2024-01-26_15-15-22-458x640-1-458x596.jpg)
Тиксиигэ буурҕа кэмигэр сүппүт 68 саастаах дьахтары көрдөөбүттэрэ бэһис күнэ буолла. Дьахтар тохсунньу 22 күнүгэр дьиэтиттэн тахсыбыт уонна сүппүт. Бу күннэргэ бөһүөлэккэ күүстээх буурҕа түспүтэ, туох даҕаны көстүбэт буолбута диэн «Маяк Арктики» иһитиннэрэр.
Полиция, баһаарынай чаас үлэһиттэрэ, олохтоохтор бөһүөлэги биир гына уонна кытыытын кэрийбиттэр, ол эрээри көрдөөһүн үлэтин күн-дьыл туруга атахтаабыт. Бүгүн көрдүүр үлэ тохтоото. Күн-дьыл туруга бигэтийдэҕинэ, Тиксиигэ баазаламмыт РФ Оборуонаҕа министиэристибэтин байыаннай сулууспалаахтара көмөлөһүөхтэрэ.
Сүппүт дьахтар 165 см үрдүктээх, хараҥа от күөҕэ кууркалаах, киис бэргэһэлээх, ыстааннаах уонна хара унтуулаах. Туох эмит информацияны билбит дьон: +7 (914) 223-15-57, +7 (999) 949-13-84 нүөмэрдэргэ биллэриҥ.
Сообщить об опечатке
Текст, который будет отправлен нашим редакторам: