Тиксиигэ «Дьиэ кэргэн» национальнай бырайыак чэрчитинэн дьарыктанар тэриллэри саҥардыы буолла

Булуҥ улууһун Тиксии бөһүөлэгэр Оҕо уус-уран айымньытын дьиэтигэр «Дьиэ кэргэн» национальнай бырайыак «Дьиэ кэргэн сыаннастара уонна култуура инфраструктурата» федеральнай бырайыак чэрчитинэн  дьарыктанар тэриллэри саҥардыы ыытылынна.

Быйыл оскуола 5 мөлүйүөн солкуобай кэриҥэ субсидия ылан, хореография уонна художественнай кылаастарга тэриллэри, музыкальнай инструмены, үөрэтэр литератураны атыыласпыттар. СӨ Култуура министиэристибэтэ иһитиннэрбитинэн, балаҕан ыйын 1 күнүттэн оҕолор дойду биллэр маастардара оҥорбут саҥа музыкальнай инструменнарыгар дьарыктарын саҕалыахтара, эдэр худуоһунньуктар саҥа мольбертарга үлэлиэхтэрэ. Маны таһынан, үҥкүү саалаларыгар сиэркилэлэри уонна саҥа дьарыктанар станоктары туруордулар.

Ил Дархан уонна Бырабыыталыстыба пресс-сулууспата иһитиннэрбитинэн, дойду бэрэсидьиэнэ Владимир Путин көҕүлээһининэн ыытыллар «Дьиэ кэргэн» саҥа национальнай бырайыагын чэрчитинэн, быйыл Саха сиригэр өссө алта оҕо ускуустуба оскуолата  саҥа тэрилинэн уонна музыкальнай инструменынан  хааччыллыаҕа.

Сиһилии: https://www.sakha.gov.ru/news/10369 сигэнэн билсиҥ.