Андрей Сорокин хаартыската
Бүгүн, атырдьах ыйын 27 күнүгэр, Ил Дархан Айсен Николаев Булуҥ улууһугар сырыытын кэмигэр, «Днепр» причальнай суудунаны ыраастааһын үлэтин көрдө.
Күн бүгүн суудунаны ыраастааһыны харгыстаһар тимир конструкциялары хомуйуу, трюмтан бөҕү хомуйуу ыытыллар. Бастакы трюмтан 100 кубомиэтэрэ ньиэп бородууктатын хачайдаатылар.
«Хоту» наука-үөрэх киинин өйөбүлүнэн «Газпассервис» аварийнай-быыһыыр тэрилтэ итиэннэ РНА СС Саха сиринээҕи научнай киинин ньиэп уонна гаас институтун кыттыытынан ыытыллар ыраастааһын үлэтэ тымныылар түһүөхтэрин иннинэ бүтүөхтээх диэн Ил Дархан эттэ.
— «Днепр» суудуна экологияҕа улахан кутталлаах. Уонунан сыллар тухары бу суудуна ньиэп бородууктатын тобоҕун тоҕор ёмкость быһыытынан туһаныллыбыта. Бу сыллар тухары суудунаҕа хайаҕастар үөскээннэр, ньиэп бородууктата порт акваториятыгар тохтуон сөп этэ. Саха сирин наукатын, Арассыыйа инновационнай предприятиеларын көмөлөрүнэн сөптөөх миэрэлэр ылыллан, куттал суоһаабат буолла. Бүгүн суудунаттан тобоҕу ыраастааһын үлэтин улахан аҥаара оҥоһулунна. Онон, бу сезон бүтүөр диэри үлэ түмүктэниэҕэр эрэллээхпит, — диэтэ Айсен Николаев.
Ил Дархан инникитин Тиксиитээҕи муора пордун акваториятыттан номнуо туһаныллыбат, эргэ 18 суудунаны утилизациялааһын соруга туруоруллуоҕун бэлиэтээн эттэ.
СӨ борокуруора Сергей Дябкин сорудаҕынан, Таатта оройуонун борокуратуурата Н.Е. Мординов-Амма Аччыгыйа аатынан Харбалаахтааҕы үөрэх комплексын…
Национальнай сыаллары ситиһэргэ сыһыаннаах боппуруостар уонна систиэмэлээх соруктар бырабыыталыстыба, министиэристибэлэр уонна биэдэмистибэлэр, муниципальнай тэриллиилэр баһылыктарыттан…
Бу чааска Дьокуускай куорат мээрэ Евгений Григорьев суруналыыстары кытта көрсүһүүтэ буола турар. Мээр сыл аайы…
Судаарыстыбаннай Дуума элбэх кыбартыыралаах дьиэ сэбиэтин чилиэннэригэр баайы-дуолу көрүүгэ-харайыыга үлэ уонна өҥө толоруллуутун туһунан докумуоннарга…
Урут сууттана сылдьыбыт Дьокуускай олохтооҕо пневматическай бинтиэпкэни, бэстилиэти уонна унтууну кыбартыыраттан уоран тутулунна. Бу туһунан…
Ыраастааһын Сылгы сиэлин сэлээн баран, биир да мутуга суох ыраас синньигэс талаҕынан эбэтэр маһынан тэбиибит,…