СӨ Ил Дарханын уонна Бырабыыталыстыбатын пресс-сулууспатын хаартыската
Тиксии бөһүөлэгэр баар биир соҕотох оҕо уһуйаана хапытаалынай өрөмүөҥҥэ наадыйар. Бу эбийиэк өрөмүөнүн 2025 с. федеральнай бырагыраамаҕа киллэрэн оскуола хапытаалынай өрөмүөнүн бырагырааматын курдук салгыахтара. Ол туһунан Өрөспүүбүлүкэ Бырабыыталыстыбатын Бэрэсээдээтэлэ Андрей Тарасенко Булуҥ улууһугар ыытыллар Бырабыыталыстыба отчуотугар иһитиннэрдэ.
Миниистирдэр кэбиниэттэрин салайааччыта оҕо уһуйааныгар сырытта уонна улуус дьаһалтата тустаах тэрилтэни кытары, сайаапканы эрдэ биэрэр курдук, сөптөөх докумуону хомуйарга бэлэмнэнэр үлэни билиҥҥиттэн ыыталларыгар эттэ.
Оҕо уһуйаана 1975 с. тутуллубут, акылаата эмэҕирэн эрэр. Үһүс этээһэ тоҥон турар, ол иһин аллараа этээс өһүөтүгэр эмиэ куһаҕаннык дьайар. Акылааты бөҕөргөтүүнү уонна уу ситимин боппуруостарын бырайыакка киллэрэллэригэр этилиннэ.
Санатар буоллахха, «Модернизация школьных систем образования» федеральгай бырагыраама дойду баһылыгын Бэрэсидьиэнин көҕүлээһининэн олоххо киирэр. Ааспыт сылга Саха сиригэр бу федеральнай бырагырааманан 37 оскуолаҕа хапытаалынай өрөмүөнү оҥорбуттара.
2022-2023 сс. бу бырагыраама чэрчитинэн, 25 муниципальнай тэриллиигэ уонна уокурукка, барыта 58 оскуолаҕа хапытаалынай өрөмүөн былааннаммыта. Итини таһынан, 2023 с. өрөспүүбүлүкэ 46 оскуола өрөмүөнүгэр эбии үбүлээһини ылла. Онон, Арктика улуустарын хабан туран, быйыл Саха сиригэр 66 оскуоланы өрөмүөннүөхтэрэ.
СӨ Ил Дарханын уонна Бырабыыталыстыбатын пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…