Хаартыска: куйаар аһаҕас ситимиттэн
Дойду Бырабыыталыстыбата тимир көлөҕө оҕо олорор кириэһилэлэригэр сыһыаннаах Суол быраабылаларыгар уларытыылары киллэрдэ. Билигин сэртипикээтэ суох тэриллэр, ол иһигэр фиксатордар уонна накладкалар, бобуллаллар. Уураах быраап-аахталарын официальнай интэриниэт-портаалыгар таҕыста.
Билигин Суол быраабылаларыгар «оҕону тутар систиэмэ» диэн өйдөбүл киирдэ. Бу – массыынаҕа оҕону айаннаттахха эчэйии кутталын намтатар аналлаах конструкция. Тутар тэриллэргэ ирдэбиллэр «Көлүөһэлээх тырааныспар эйгэтин куттала суох буолуутун туһунан» Таможеннай сойуус тэхиниичэскэй регламенынан олохтоммуттар. Курдар (лямкалар), адаптердар, фиксатордар уонна да атын майгынныыр тэриллэр оҕону тутар систиэмэнэн ааҕыллыбаттар диэн бэлиэтэнэр.
Суол быраабылаларын урукку эрэдээксийэтигэр «оҕону тутар тэрил» диэн өйдөбүл чопчу быһаарыыта суох этэ. Оҕону таһыыга ирдэбиллэр 22.9 пууҥҥа ыйыллыбыттарынан, ситэри чопчута суох этиллэллэр.
Ол курдук, сэттэ саастарыгар диэри оҕолору, ISOFIX оҕону тутар систиэмэнэн кыра массыынаҕа уонна таһаҕас тиэйэр тимир көлө солуонугар, оҕо ыйааһыныгар уонна уҥуоҕар сөп түбэһэр оҕону тутар тэриллэргэ эрэ таһар ирдэнэр.
7 саастарыттан 11 саастарыгар диэри оҕолору, инники олорор буоллахтарына — оҕону тутар тэриллэргэ, оттон кэнники олорор буоллахтарына – боростуойдук куттал суох буолуу курдарынан таһар көҥүллэнэр. Билигин ырыынакка элбэх анал сэртипикээтэ суох уонна саарбах тэриллэр атыыланаллар.
Бырагыраама кыттыылаахтара гектар сири ыларга ордук наадыйар эрэгийиэннэринэн Саха Өрөспүүбүлүкэтэ, Приморье кыраайа уонна Сахалин уобалаһа…
Бүгүн киин куоракка 13:40 чааска С. Данилов уулуссатын 14 нүөмэрин аттыгар улахан хомунаалынай саахал таҕыста…
Дьокуускай куорат суута ньиэби хостооһунунан дьарыктанар хааччахтаммыт эппиэтинэстээх уопсастыбаҕа сыһыаннаах, РФ административнай быраабы кэһии туһунан…
Бүк сабыллар саахымат дуоската хаһан айыллыбытый? Билигин оонньуурга туттуллар чаһы хаһан баар буолбутуй? Саахымат үөскээбит…
Ааспыт өрөбүллэргэ Дьокуускай сиригэр-уотугар суол-тырааныспар 12 быһылаана бэлиэтэммит. Икки киһи эчэйбит. Сэтинньи 29 күнүгэр сарсыарда…
Ахсынньы номнуо үүннэ, ону кытта Саха сирин суон сураҕырбыт тымныылара сатыылаан эрэллэр. Дьокуускай куорат үөрэҕин…