Хаартыска: куйаар аһаҕас ситимиттэн
Халлаан сылыйан суолга тырааныспар элбээбиккэ дылы курдук буолбут. Сорох суоппардар эрдэ кулун тутар ый саҥатыгар ириэрэн, номнуо сүүрдэ сылдьаллар, атыттар хайдах ириэрэбит диэн толкуйга сылдьар буолуохтаахтар.
Саарбахтыыр суоппардарга бу нэдиэлэҕэ тимир көлөнү ириэрэр саамай бириэмэтэ буолла диэххэ сөп. Сарсыҥҥыттан өрөспүүбүлүкэ синоптиктара түүнүн салгын температурата 20 кыраадыстан тымныйбатын сылыктыыллар.
Уопуттаах суоппардар быһааралларынан, кыһын устата тоҥон турбут тырааныспары ириэриигэ маннык кылгас быраабылалары учуоттуохха наада. Бастатан туран, тырааныспары ириэриигэ мотуор арыытын көрүҥүттэн тутулуктанар — мотуор арыыта 0W-20 мааркалаах буолуохтаах. 0W-20 мааркалаах арыылаахтар харгыһа суох массыынаны ириэрэн баран собуоттуохтарын сөп. Маннык арыы бүтэйдии тоҥмот, мотуор мэхэньииһимэ үлэлииригэр мэһэйдээбэт.
Оттон 5W-30 уонна 10W-30 «синтетика аҥаардаах» мотуор арыылара хойуу буолан, үрдүк күүрүүлээх дабылыанньаны үөскэтэллэр, ону кытта сальниктара хайыта баран арыыта тоҕо барар кутталлаах.
Онон харчыны кэрэйбэккэ тустаах дьону эбэтэр анал сулууспаны ыҥыран тимир көлөнү ириэрэр табыгастаах. Сылаас салгынынан үрэр буусканан 30 мүнүүтэ иһигэр ириэрии өҥөнү оҥорор «исписэлиис» уонна сулууспа ахсаана билигин элбэх. Сыаната ортотунан — 3000 солк.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…