Хаартысканы "Тимир" киинэни устубут бөлөх тиксэрдэ.
Москваҕа ахсынньы 1-7 күннэригэр «Зимний» киинэ бэстибээлэ ыытыллан түмүктэннэ. Куонкурус бырагырааматыгар 2022-2023 сылларга уһуллубут аҕыс киинэ күрэхтэстэ. Режиссер Николай Корякин «Тимир» киинэтинэн «Бастыҥ режиссура» номинацияҕа кыайыылааҕынан ааттанна.
«Бэстибээл олус интэриэһинэйдик ааста. Атын күрэхтэһээччилэр киинэлэрин көрөн баран, биһиги киинэбит ситиһиилээхтик кыттыан сөп эбит диэн санаа кэлбитэ. Олус долгуйбутум. Былырыын Любовь Борисова «Кэрэни көрбүт» уонна Степан Бурнашев «Айта» киинэлэрэ бу бэстибээлгэ бастаабыттара. Онон дьүүллүүр сүбэ биһиги киинэбититтэн элбэҕи күүтэллэрин билэрим. Ол эрээри, сырыы аайы Саха сиригэр уһуллубут киинэҕэ бастакы миэстэни биэрбэттэрэ буолуо диэн сэрэйэр этим. Киинэбитин бэстибээл кэмигэр көрдөрбүппүтүгэр дьүүллүүр сүбэ да, көрөөччүлэр да олус сөбүлээбиттэрэ, сэҥээрбиттэрэ, бэл ытаабыт да дьон баара», — диэн режиссер Николай Корякин санаатын үллэһиннэ.
«Тимир» киинэни «Дьэгинфильм» устар бөлөх оҥорон таһаарда. Кэмиэдьийэ, драма жанрдаах саҥа киинэ кэлэр 2024 сыл тохсунньу 24 күнүгэр Саха сирин бары улахан экраннарыгар көстүөҕэ.
Киинэҕэ тулаайах хаалбыт Тимир диэн уол сир-халлаан икки ардыгар хаалбыт биллибэт киһини — иччини көрсөрүн туһунан кэпсэнэр. Сүрүн оруолу Горнай улууһун Маҕарас оскуолатын үөрэнээччитэ Альгис Данилов толорор. Кинини таһынан биллэр-көстөр артыыстар Альберт Ноговицын, Роман Дорофеев, Жанна Ксенофонтова, Дмитрий Алексеев, Георгий Бессонов уо.д.а. оонньоотулар. Сценарийы режиссер Николай Корякин уонна Сандал Никаноров суруйбуттар, операторынан Андрей Егоров үлэлээбит.
Быйылгы «Зимний» бэстибээл сүрүн бирииһин Иван Твердовскай режиссердаах «Панические атаки» киинэ ылла.
Балаҕан ыйын 18 күнүгэр Социальнай пуонда Саха сиринээҕи салаатын килийиэннэрин сулууспаларыгар Биир кэлим босуобуйа күнэ…
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…
Арассыыйаҕа 2026 сылтан биэнсийэни индексациялааһын икки түһүмэҕинэн барар буолуоҕа. Бу туһунан Социальнай пуонда бэрэссэдээтэлэ Сергей…