Хаартыска: Мария Васильева, СИА.
Тимир суол үлэҕэ киирэн, Саха сирин олохтоохторо айан бу көрүҥүн бэркэ туһанан эрэллэр.
Чахчы да, кыараҕас массыынаҕа хамсаабакка хороччу олорон айанныырдааҕар, сыта-тура айаннаабыт ордук курдук.
«Саха сирин тимир суоллара” АХ дьону таһар пуойастарын састаабыгар плацкартнай уонна купелаах вагоннар киирэллэр. Төһө да плацкартка билиэт чэпчэки буоллар, үгүс дьон купелаах вагону ордороллор. Купе вагонугар 32-тэн 36-ҕа диэри киһи киирэр. Хас биирдии купе түөрт утуйар миэстэлээх буолан, уһун айаҥҥа абыраллаах. Ону тэҥэ, манна туалекка уочарат плацкартнай вагоҥҥа холоотоххо кылгас буолар.
Аллараа Бэстээх – Владивосток, Аллараа Бэстээх – Благовещенскай маршруттарынан айанныыр поезд купелаах вагоннара кондиционердаахтар, биотуалетынан хааччыллыбыттар, төлөпүөннэри ииттэрэр розеткалаахтар.
Купе билиэтин чэпчэкитик атыылаһар туһугар, уоппусканы, айаны эрдэттэн былаанныыр наада. Ол курдук 2023 сыл бэс ыйыттан «Саха сирин тимир суоллара” АХ купелаах вагоннарга динамическай тарыыптар систиэмэлэрин киллэрбитинэн, айаҥҥытын былааннаан, билиэккитин эрдэттэн атыылаһыҥ диэн СӨ тырааныспарын тг-ханаала сүбэлиир
Ол туох төрүөттээҕий? Хоҥнор бириэмэҕиттэн уонна вагон төһө туолан иһэриттэн көрөн, систиэмэ тарыыбы бэйэтэ уларытан кэбиһэр. Ол курдук, саамай чэпчэки билиэттэри вагон 0-тон 19%-ҥа диэри туолан эрдэҕинэ, айанныаҥ 90-тан 39 суукка иннинэ баттаһан атыылаһан кэбиһиэххин сөп. Төһөнөн айанныыр күнүҥ чугаһаан итиэннэ миэстэ аҕыйаан иһэр да, соччонон билиэт сыаната үрдээн иһэр.
Аллараа Бэстээх ыстаансыйатыттан дьону таһар пуойас күн аайы 17:00 чаастан хоҥнор. Пуойаһы кытта Владивостокка, Благовещенскайга уонна Иркутскайга диэри олорсубут вагоҥҥынан тиийэҕин. Кыһыҥҥы өттүгэр Дьокуускайтан кэлэр дьону автовокзалтан тимир суол ыстаансыйатыгар диэри тиэрдэн биэрэллэр.
Саха сиринээҕи Россельхознадзор исписэлиистэрэ убаһа этиттэн антибиотик буллулар. Эт боруобаларын бу сыл сыл муус устар…
Былырыын, быйыл тыатааҕылар нэһилиэнньэлээх пууннарга аһары чугаһаабыт, дьоҥҥо саба түһүүлэриттэн эчэйиилэр, өлүүлээх да түгэннэр тахсыталаатылар. …
Ис дьыала министиэристибэтин Дьокуускайдааҕы 1 №-дээх полиция отделын дьуһуурунай чааһыгар олохтоох киһи төлөпүөнүн уорбуттарын туһунан…
Ааспыт өрөбүллэргэ Бүлүү куорат төрөөбүт күнүн киэҥ далааһыннаах, элбэх тэрээһиннээх, үөрүүлээх бырааһынньыгынан бэлиэтээтэ. «Төрөөбүт күҥҥүнэн,…
Саха сирин олохтоохторо байыаннай дьайыыга кыттар байыаннай сулууспалаахтарга өйөбүллэри оҥороллорун салгыыллар. «Сэрии сэбэ – фроҥҥа»…
Дьокутааттар Судаарыстыбаннай Дуума күһүҥҥү мунньаҕар оскуолаҕа үгэс буолбут дьиэҕэ үлэни көтүрэр туһунан сокуон барылын киллэрэргэ…