Хаартыска government.ru сайтыттан
РФ Бэрэсидьиэнэ Владимир Путин бэҕэһээ, кулун тутар 29 күнүгэр, бырабыыталыстыба чилиэннэрин кытары мунньахтаата. Бэрэсидьиэн кэлэр сылларга тимир суолугар, муоранан сырыыларга болҕомто ууруллуоҕун эттэ.
Бастакы уочарат мунньахха экэниэмикэ, суол-иис, тас дойдулары кытары үлэлэһии боппуруостарын көрдүлэр. Владимир Путин былырыын от ыйыттан дойду экэниэмикэтэ бигэ туруктаммытын бэлиэтээн эттэ.
— Былырыыҥҥы сылы биһиги үчүгэй көрдөрүүлээх түмүктээбиппит. Ол эрээри билигин да уоскуйарбыт эрдэ. Бу ситиһиибитин салгыы да дьаптайан иһиэхпитин, технология, каадыр, үп-харчы боппуруостарыгар тас дойдулартан тутулуктаммат туһугар өссө да күүстээх үлэ барыан наада. Онуоха ис ырыынакпытыгар улахан болҕомтобутун уурарбыт ирдэниллэр, — диэн бэлиэтиир кини.
Владимир Путин быйылгы Анал этиитигэр национальнай бырайыактар, ол иһигэр инфраструктураны сайыннарыы, экэниэмикэ эйгэлэригэр үрдүк технологияны туһаныы салҕанан баран иһиэҕин туһунан иһитиннэрбитэ. Манна даҕатан кини мунньахха суолга-иискэ кэлиҥҥи сылларга болҕомто ууруллубутун түмүгэр таһаҕаһы тиэйии көрдөрүүтэ улааппытын бэлиэтээтэ.
— Тас дойдулары кытары үлэлэһиини ылан көрдөххө, логистикабытын тупсарбыппыт түмүгэр тимир суолунан да, муоранан да таһаҕаһы таһыы кээмэйэ куһаҕана суох. Бииргэ үлэлэһэр сүрүн хампаанньаларбытын кытары үлэбит сылтан сыл өссө хаҥаан иһэр. Холобур, олунньу түмүгүнэн тимир суолунан таһаҕаһы таһыы көрдөрүүтэ улаатта. Уһук Илиҥҥи пуортартан таһаҕаһы таһыы эмиэ бэйэтин суолун булла. Инникитин өссө муоранан сырыыларбытын тупсарыахпытын наада. Волгатааҕы-Каспийскайдааҕы ханаалы дириҥэтии үлэтэ барыахтаах, Илиҥҥи тимир суолун полигонун, Азов, Хара муоралар пуортарын сайыннарыахпыт, — диэн этэр кини.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…