Тимир суолунан айаннааччылар аны «Намыв» пуунтан барыахтара

«Саха сирин тимир суоллара» АХ иһитиннэрэринэн, алтынньы  21 күнүттэн ахсынньы 1 күнүгэр диэри тимир суолунан айаннааччылары сымнаҕас сыттыктаах суудуналарынан Дьокуускай куораттан, 204-с түөлбэттэн, «Намыв» станцияттан  нөҥүө кытылга таһыахтара. 

Хампаанньа  өрүс суола туруутун кэмигэр график быһыытынан пассажирдарын таһыаҕа. Өлүөнэ өрүскэ гидрологическай балаһыанньа кытаатар түгэнигэр, бөртөлүөтүнэн дьону Аллараа Бэстээххэ илдьиэтэрэ.

Бүгүн, алтынньы 17 күнүгэр, «Намыв» пууна аһыллан, айаннааччылар сылаас сиргэ олорон суудуналары кэтэһиэхтэрэ.