Саха сиригэр 2022 сылга «Саха сирин тимир суоллара» хампаанньа 260 тыһыынча пассажиры тиэйдэ, ол былырыыҥҥы сылтан 60 %-нан улахан. Бу Уһук Илин куораттарыгар диэри саҥа маршруттары арыйыыны кытта ситимнээх.
«Хампаанньа улаатар, дьону уонна таһаҕаһы тиэйии, социальнай инфраструктураны тутуу кээмэйэ үрдүүр. Сүрүннээн 2022 сыл куһаҕана суохтук ааста. Кэккэ стратегическай соруктар элбэхтэр, ол курдук, Илиҥҥи полигону кэҥэтии, «Джалинда-Мохэ» тутуута бааллар. Хампаанньа салалтата бу бырайыактарынан үлэни салгыахтаах», — диэтэ Айсен Николаев бүгүҥҥү тустаах мунньахха.
Хампаанньа дириэктэрэ Василий Шимохин этэринэн, сыл түмүгүнэн бары көрдөрүүлэринэн үүнүү бэлиэтэнэр. Ол курдук, 2022 сылга тиэйии кээмэйин үүнүүтэ 9,2 %, таһаҕас эргиирэ — 16,1 %, пассажирдар ахсааннара — 58,9 %.
Быйыл Аллараа Бэстээх — Благовещенскай хайысхатынан прицептээх вагоннарынан Владивостокка, Благовещенскайга, Иркутскайга тиийиллэр.
Ону тэҥэ таһаҕас эргиирэ улаатар — сыл бүтүүтэ 2 млрд туонна-килэмиэтир, 2021 сыл таһымыттан 16 % үрдүк. Таһаҕас эргиирин үүнүүтэ Аллараа Бэстээххэ диэри таһаҕаһы тиэйии кээмэйэ улаатыытын кытта сибээстээх. Хампаанньа дьону саахалланар уонна хаарбах дьиэттэн көһөрүүгэ кыттар. Хампаанньа кыттыытынан быйыл Алдан оройуонугар 8 саҥа дьиэни туттулар.
Өрөспүүбүлүкэ баһылыгын соруктарыттан биирдэстэрэ — пассажирдары тиэйии хаачыстыбатын үрдэтии, социальнай бырагыраамалары салгыы олоххо киллэрии, бөдөҥ инфраструктурнай уонна стратегическай соруктары олоххо киллэрии буолар.
«2023 сылга соруктар — пассажир ахсаанын элбэтии, ол иһигэр аэропуортарга былааннаммыт өрөмүөн үлэтин учуоттаан. Бэйэлэрэ сылдьар кыаҕа суох дьону тиэйии боппуруоһун, саҥа вагоннары атыылаһыыны быһаарабыт. Саха сиригэр эрэ буолбакка, Уһук Илиҥҥэ бүттүүнүгэр дьоһун суолталаах бырайыактары эмиэ хабыахтаахпыт . Саха сириттэн Магадаан уобалаһыгар диэри тимир суолу тутуу, өрөспүүбүлүкэ бырамыысыланнай тэрилтэлэригэр Джалинда ыстаансыйатыгар пограничнай туорааһыны тутуу тустарынан этиллэр«, — диэтэ Василий Шимохин.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата.
Андрей Сорокин (СИА ) түһэриитэ
Олоҥхо ыһыаҕын иккис күнэ сарсыарда куйаас, эбиэттэн киэһэ курулас ардахтаах буолла. Ол эрээри ыһыахчыттар санааларын…
Бүгүн Олоҥхо ыһыаҕар оһуохайга, олоҥхоҕо, хомуска кылаан кыайыылаахтары наҕараадалаатылар. Оһуохай күрэҕэр Кылаан кыайыылааҕынан Ньурба улууһуттан…
От ыйын 4 күнүгэр Үөһээ Дьааҥы оройуонун Боруулаах нэһилиэгин дьаһалтатыттан, 1969 с.т.эр киһи сүппүтүн туһунан…
Арассыыйа ИДьМ Өлүөхүмэтээҕи отделын силиэдэбэтэлэ 2024 сыл сайыныгар табаары атыылааһыҥҥа түөкүннээһининэн дьарыктаммыт, урут уорууга сууттаммыт…
Арассыыйа иһигэр уоппуска кэмигэр ыарыйдахха эбэтэр эчэйдэххэ, Мэдиссиинэ булгуччулаах полиһынан (ОМС) бырааска көрдөрүллэр. Полис Арассыыйа…
Олоҥхо ыһыаҕын үөрүүлээх сабыллыытын иннинэ "Прекрасная Нюнгурмок - матерь эвенкийская, с длинной косой на шесть…