Биир кэлим координационнай киин иһинэн баар тирэх пууннар кылгас кэм иһигэр тэриллэн көдьүүстээхтик үлэлээн эрэллэр.
Билиҥҥитэ каадыр, тырааныспар, сибээс, боппуруостара быһаарылыннылар, логистика оҥоһулунна. Саха сириттэн сулууспалыы сылдьааччылар байыаннай чаастарын кытары тиһиктээх бииргэ үлэлээһин олохтонно.
Ол туһунан тирэх пууннары кытары үлэлиир суһал бөлөх ыстаабын бэрэстэбиитэлэ Георгий Куркутов брифиҥҥэ кэпсээтэ. Сорох тирэх пууннар Уһук Илиҥҥи Федеральнай уокурукка – Улан-Удэҕэ, Владивостокка, Соҕурууҥҥу Федеральнай уокурукка – Доннааҕы Ростовка итиэннэ Крымҥа уонна Донецкай Народнай Өрөспүүбүлүкэҕэ үлэлииллэр. Москубаҕа байыастарга атаарыллар таһаҕастары харайарга Саха сирин постпредствотын ыскылааттара туһаныллаллар.
Ол курдук, сулууспалыы сылдьааччы уолаттарбытыгар таһаҕаһы илдьиигэ дьоһуннаах көмөнү «Якутия», «S7», «Аврора» хампаанньалар оҥороллорун, нэдиэлэҕэ икки бортан кырата суох, 600 киилэттэн 1,5 тоннаҕа тиийэ таһаҕас ыытылларын туһунан Георгий Куркутов кэпсээтэ.
Итини таһынан пууннар үлэһиттэрэ эчэйиини ылбыт байыастарга араас кыһалҕаларын быһаарсалларыгар көмөлөһөллөр. Ол курдук пууннар элбэх хайысхалаах өҥөнү оҥорор кииннэринэн буоллулар. Анал быстах дьайыыга барбыт уонна байыаннай чаастарга бэлэмнэниини ааһа сылдьар уолаттарбытын кытары үлэ мэхэньиисимэ оҥоһуллубут.
Санатар буолахха, Москубаҕа өрөспүүбүлүкэ координационнай киинэ Ил Дархан Айсен Николаев сорудаҕынан тэриллибитэ. Эппиппит курдук, Кэлим киин анал байыаннай дьайыыга сылдьар дьоммутугар уонна кинилэр дьиэ кэргэттэригэр араас көрүҥнээх көмөнү итиэннэ саҥа киирбит өрөспүүбүлүкэлэр нэһилиэнньэлэригэр гуманитарнай көмөнү оҥороллор. Оттон куораттарга баар тирэх пууннар байыаннай чаастары уонна госпиталлары кытары үлэлииллэр, ону тэҥэ Саха сириттэн барбыт байыаннай сулууспалаахтарбытын аһынан-үөлүнэн, таҥаһынан-сабынан хааччыйар аналлаахтар.
Бүгүн, ахсынньы 22 күнүгэр, 13:45 чааска Булуҥ улууһун Бороҕон нэһилиэгин баһылыгын солбуйааччы Биир кэлим диспетчер-дьуһуурунай…
Дьокуускай куоракка тымныы күннэр сатыылаан турар кэмнэригэр сылаас тохтобуллар олус суолталаах буоллулар. Ол курдук, маннык…
Булуҥ улууһугар сүппүт үһүс киһини буллулар диэн Булуҥнааҕы ЕДДС иһитиннэрэр диэн СӨ Быыһыыр сулууспата суруйар.…
Оҕо иммунитетын бөҕөргөтөөрү араас сыаналаах йогуртары талабыт. Күөх экрааҥҥа көстөр араас сыаналаах йогуртар хаһааныллар болдьохторо…
Ил Дархан Айсен Николаев бүгүҥҥү пресс-кэмпириэнсийэтигэр кэнники сылларга тыа хаһаайыстыбата, ордук үүт бородууксуйатын оҥорууга уонна…
Бүгүн Саха Өрөспүүбүлүкэтин доруобуйатын харыстабылын устуоруйатыгар киирэр кэрэ-бэлиэ түгэн үүннэ. Ол эбэтэр Үөһээ Бүлүүгэ оҕо…