Тирэх пууннар байыаннай дьайыы кыттыылаахтарыгар 220-тэн тахса баһыылканы тиэртилэр

Доннааҕы Ростов, Новоазовскай уонна Белгород куораттарынааҕы тирэх пууннар үлэһиттэрэ 224 тус баһыылкалары аадырыстарыгар тиэртилэр.

Ааспыт нэдиэлэҕэ Доннааҕы Ростов, Новоазовскай уонна Белгород куораттарыгар баар тирэх пууннар үлэһиттэрэ 224 тус баһыылкалары аадырыстарыгар тиэртилэр. Бу туһунан сүрүн координатор «Юстас» диэжн позывнойдаах киһи нэдиэлэтээҕи брифиҥҥэ иһитиннэрдэ.

Кини бэлиэтээбитинэн, бу үлэ куруук уонна былааннаахтык ыытыллар.

«Биһиги уолаттарбыт биир дойдулаахтарын өйөбүлүн ылалларын олус  суолталааҕын мэлдьи көрөбүт. Хас биирдии баһыылка – бу аҥардас мал-сал хомуура эрэ буолбатах, бу кинилэри дьиэҕэ күүтэллэрин уонна кинилэринэн киэн тутталларын санатар. Биһиги хас биирдии буойун болҕомтото суох хаалбатын туһугар барытын оҥоробут», — диэн «Юстас» тоһоҕолоото.

Анал хайысханан байыаннай подразделениеларга техническэй көмө оҥоһуллар. Ааспыт нэдиэлэҕэ мэхээньиктэр бөлөхтөрө икки «Сокол» снегоболотоход тырааныспары чөлүгэр түһэрдилэр, ол тиэхиньикэни үлэҕэ төннөрөргө уонна подразделениелар тохтоло суох үлэлииллэрин хааччыйарга кыаҕы биэрдэ. Өссө биэс тиэхиньикэ өрөмүөнҥэ турар, исписэлиистэр чөлүгэр түһэрэр үлэни салҕыыллар.

«Юстас» бэлиэтээбитинэн, маннык үлэ байыаннай сулууспалаахтар бытовой наадаларыгар болҕомтону эрэ буолбакка, бойобуой дьоҕурдарын үрдэтиигэ практическай көмө буоларын эмиэ тоһоҕолоото, бу чаастар туруктаах уонна көдьүүстээх буолууларын өйүүргэ улахан оруолу оонньуур.