Салгыы
ТНТ ханаалга “Титаннар” телешоу кыттыылаахтара мас тардыһыытыгар күөн көрсүөхтэрэ

ТНТ ханаалга “Титаннар” телешоу кыттыылаахтара мас тардыһыытыгар күөн көрсүөхтэрэ

08.07.2024, 12:02
Хаартыска: социальнай ситимнэртэн
Бөлөххө киир:

Оҥоһуу өй Арассыыйа күүстээх дьонун саҥа киирсиигэ ыҥырда.

ТНТ ханаалга “Титаннар” телешоуга кыттар Арассыыйа күүстээх спортсменнара мас тардыһыытыгар күрэстэһиэхтэрэ. Саҥа таһаарыыга анаан успуорт национальнай көрүҥэр күрэстэһиҥ диэн сорудаҕы оҥоһуу өй этэн биэрдэ, диэн СИА кэрэспиэдьиэнэ Дьулустаан Сергеев суруйар.

Телешоу ахсыс түһүмэҕэр дойду биллэр-көстөр атлеттара аны сахалыы успуорт национальнай көрүҥэр күрэхтэһиэхтэрэ. Мас тардыһыылаах таһаарыы от ыйын 14 күнүгэр, өрөбүлгэ, олохтоох бириэмэнэн 20.00 чааска ТНТ ханаалга көстүөҕэ.

“Саҥа технологиялары туһанан, ТНТ телеханаал урут суох спортивнай эспэримиэни ыыта сылдьар. Сүрдээх элбэх дааннайдары үлтү сыымайдаан баран, нейросиэт киһи этин-сиинин кыаҕын бэрэбиэркэлиир сыаллаах уустуктан уустук холонуулары биэрэн иһэр. Биһиги эспэримиэммит быһыытынан Арассыыйа саамай күүстээх дьоно, дьиҥнээх титаннар, күүстээхтэн күүстээх ааты ылар туһуттан киирсэллэр – шоу кыайыылааҕар 10 мөл. солк. бириис туттарыллыа”, — диэн этиллэр шоу туһунан суруйууга.

Мас тардыһыыта бүгүн аан дойдуга барытыгар биһирэнэр буолла. Хайыы-үйэ аан дойду 5 чөмпүйэнээтэ, 2014 сылтан Аан дойду кубога ыытыллар. РФ успуорка министиэристибэтэ успуорт маастара, аан дойдутааҕы кылаастаах маастар, Арассыыйа успуордун үтүөлээх маастара диэн официальнай ааты-суолу туттарар.

+1
3
+1
0
+1
0
+1
0
+1
2
+1
0
+1
1
Бары сонуннар
Салгыы
15 июля
  • 22°C
  • Ощущается: 22°Влажность: 68% Скорость ветра: 2 м/с

Сообщить об опечатке

Текст, который будет отправлен нашим редакторам: