Хаартыска: социальнай ситимтэн.
Биллэр ыытааччылар Павел Воля уонна кини кэргэнэ Ляйсан Утяшева федеральнай ТНТ ханаалыгар саха оонньуутун – хаамысканы оонньоттулар.
Билигин ТНТ ханаалга «Выжить в Самарканде» диэн буола сылдьар. Манна 12 кыттааччы араас күрэстэргэ бэйэлэрин күүстэрин холонон көрөллөр. Икки хамаандаҕа арахсан, сорохтор 5 сулустаах мааны гостиницаҕа, сорохтор таһырдьа балаакканан түһэн олорон, араас күрэхтэһиилэргэ кытталлар. Хас биирдии күрэс кэнниттэн кыайбыт хамаанда гостиницаҕа хонор буолар. Хотторбут хамаандаттан биирдии киһи туораан иһэр. Билигин 1 сезон бэһис таһаарыыта буолла. Бу иннинэ «Выжить в Дубае» диэн биэриигэ биир хамаанда кумах куйаарга балааккаларга олорон, оонньообуттара. Тоҕо эрэ, норуодунай хамаанда наар хотторон, кумах куйаарга сууммакка-тарааммакка өр олорбуттара. Оттон «сулустаах хамаандаҕа», этэргэ дылы, бары биллэр-көстөр «сулустар» килэйбит-халайбыт отельга, бэлэм аска-үөлгэ, бассейнҥа күөлэһийбиттэрэ.
Олунньу 11 күнүгэр буолбут биэриигэ кыттааччылар сахалыы хаамыска оонньууга күрэхтэстилэр. Ляйсан Утяшева «хаамыска» диэн тылы олус ыраастык саҥарда. Арааһа, башкир, татаар хааннааҕа таайдаҕа. Павел Воля оонньуу быраабылатын билиһиннэрбитин кэннэ, кыттааччылар «олус ыарахан оонньуу эбит» диэн билиннилэр.
«Норуодунай хамаандаттан» сылдьар кыттааччы Кристина Орлова: «Үөһээ быраҕыллыбыт кубигы хабыахтааххын уонна өссө биири хаба тардан ылан баран, тэҥҥэ хабыахтааххын. Хайдах оннук сатаныай? Долгуйаммын, сыыһа тутта сыстым», – диэтэр да, кимнээҕэр сымсатык оонньоон барда.
Санатар буоллахха, истиэп көс омуктарыгар беш таш, бес тас, шагай, топ таш диэн оонньуулар син биир хаамыска курдук быраабылалаахтар. Биһиэхэ бу оонньуубут «биэс таас» диэн буолбакка, нууччалыы «камушки» диэн ааттанан хаалбыт. Ол эрээри, биэрии ыытааччылара «Хаамыска» — бу саха оонньуута» диэн тоһоҕолоон бэлиэтээтилэр. Бу сахалар мас тардыһыыбыт эрэ буолбакка, атын да оонньууларбытын омуктар интэриэһиргииллэрин көрдөрөр дии саныыбын.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…