Хаартыска: ЯСИА
Кыһын тымныйдаҕын аайы, ордук ыраас, былыта суох, чаҕылхай күннэргэ, куорат салгына кирдээх буоларын туһунан кэпсээтилэр. Антициклон хас биирдии хонуга салгын састаабын мөлтөтөн иһэр.
Тымныы оройо турдаҕына, ордук күннээххэ, куорат үрдүнэн кирдээх салгын баттаан, тыынарга ыарахан буолар. Бу көстүү төрүөтүн метеоролог Александр Шувалов быһаарбытын РИА Новости суруйар. Кини этэринэн, ити антициклоҥҥа сыһыаннаах.
«Антициклон куорат үрдүгэр кэлэн, салгыны үөһэттэн аллараа хам баттыыр. Ол түмүгэр, араас буруо, кир-хох сиргэ чугаһаан, биир сиргэ мунньуллар уонна тарҕанан көппөт», — диэн кэпсээтэ исписэлиис. Кини холобур быһыытынан, маннык күннэргэ куоракка сөмөлүөтүнэн көтөн кэллэххэ, куорат үрдүнэн туманнаах былыт бүрүөһүн курдук ыраахтан көстүү бэлиэтэнэр.
Санаттахха, Дьокуускайга сэтинньи саҥатыгар бастакы тымныылар түспүттэрэ. Метеорологтар бэлиэтииллэринэн, антициклон кэмигэр салгын хамсаабакка, куорат үрдүгэр турар буруо (туман) тарҕаммат. Үөһэттэн түһэр салгын сүүрээнэ кирдээх эттиктэри сир ньууругар «сыһыарар», ол түмүгэр салгын хаачыстыбата мөлтөөн, тыынарга уустуктар үөскүүллэр.
Бүгүн, ахсынньы 28 күнүгэр, Саха сирин сорох улуустарыгар хаар түһэр, күүстээх тыал түһэр. Саамай дьиктитэ…
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…