Кистэл буолбатах, дьиэ-уот, хомунаалынай өҥөлөр төлөбүрдэригэр иэс-күүс мунньуллуута баар. Ону туоратарга биир суолунан сөптөөх төлүүр усулуобуйаны олохтооһун буолуохтаах. Билигин дьон үксэ араас наадыйыытыгар каартанан төлөһөр буолла. Онон каарта күннээҕи олохпут аргыһа буолла. Ол эрээри ОДьКХ төлөбүрүн төлүүргэ, чуолаан, салайар хампаанньалар оҥорор өҥөлөрүн төлүүргэ хайаан да уу харчынан төлөһүү ирдэнэр. Тоҕо эрэ итинник. Сорох дьон каартанан эрэ төлүү тиийэн баран, төттөрү төннөргө күһэллэллэр, хос-хос сырыы оҥоһуллар.
Билигин ДЭК «Якутскэнергосбыт» Биир кэлим аахсар-иһитиннэрэр киинин саҥа арыллыбыт уораҕайыгар ВТБ баан эрэ терминала турар. Дьиэ-уот киэҥэ-куоҥа, килэйэн-халайан мааныта да бэрт. Онон бу хонтуораҕа Сбербаан курдук үгүстэр биэнсийэлэрэ, хамнастара киирэр баанын терминалын эмиэ илдьэн туруоруохха баар этэ.
Онон төлөөччүлэргэ сөптөөх усулуобуйалар тэрилиннэхтэринэ, иэс-күүс мунньуллуута да аччыаҕа. Уонна салайар хампаанньалар өҥөлөрүгэр төлөбүрү тоҕо харчынан эрэ төлөттөрөллөрүн быһаарыахха баара. Таарыйа аҕыннахха, “Столичнай” уонна атын да ырыынактарга каартанан кыайан төлөспөккүн, онлайн эрэ ыытыахха син. Тоҕо эрэ ирдэбил араас, хонтуруол суох.
Хаартыскаҕа: ДЭК Биир кэлим аахсар-иһитиннэрэр киинин саҥа дьиэтэ
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…