Хаартыска: Мария Васильева.
Соторутааҕыта РФ Үөрэҕириитин миниистирэ Сергей Кравцов Москваҕа, Санкт-Петербурга уонна Липецкэй уобаласка тоҕоостоох орто анал үөрэҕи кэҥэтии эспэримиэнин түмүгүн таһаарар мунньаҕы салайан ыытта. Тэрээһин иитинэн эспэримиэни 2025-2026 үөрэх дьылыгар салгыыр туһунан быһаардылар. Туох ис хоһоонноох эспэримиэний?
Санатан эттэххэ, быйыл муус устарга “Тоҕоотоох орто анал үөрэҕи кэҥэтии эспэримиэнин ыытыы туһунан” федеральнай сокуон ылыныллыбыта. Тустаах сокуон 9-с кылааһы бүтэрээччилэр орто үөрэххэ судургутук киирэллэрин хааччыйар. Ол инниттэн 9-с кылааһы бүтэрээччилэр түөрт эксээмэн оннугар (ОГЭ) икки эрэ биридимиэти туттараллар — нуучча тылыгар уонна математикаҕа. Санатан эттэххэ, маҥнай эспиримиэҥҥэ алта-сэттэ эрэгийиэн кыттыа диэн кэпсэтиилэр бааллара. Сокуон тахсарын саҕана Москва, Санкт-Петербург уонна Липецкэй уобаластар эрэ хаалбыттара.
Мунньахха дойду Үөрэҕириитин миниистирэ эспэримиэни 9-с кылааһы бүтэрээччилэр биһирээбиттэрин иһитиннэрдэ итиэннэ 2025-2026 үөрэх дьылыгар салгыыр былааннаахтарын эттэ.
“Быйыл Москваҕа сүрүн судаарыстыбаннай эксээмэни 117 тыһ. 9-с кылааһы бүтэрээччи туттарда. Итинтэн 39 тыһ. оҕо эспэримиэҥҥэ кыттан, икки эксэмээни туттарда. Москва, икки биридимиэккэ эксээмэни тутарбыт хас биирдии оҕону куорат кэллиэстэригэр бүддьүөт миэстэтинэн хааччыйар үрдүк эбээһинэһи ылынна. Манна анаан 47 тыһ. бүддьүөт миэстэтин тэрийбиппит, эбээһинэһи олоччу толордубут” – диэн пилотнай бырайыак түмүгүн туһунан Москва мээрин социальнай сайдыыга боппуруостарыгар солбуйааччы Анастасия Ракова кэпсээбит. Ити туһунан дойду Үөрэҕириитин министиэристибэтин сайтыгар суруйаллар.
Тустаах бырайыак сыыйа атын эрэгийиэннэргэ тарҕаныаҕа диэн оскуолаҕа үөрэнэр оҕолордоох төрөппүттэр эрэнэ кэтэһэллэр.
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдээһин үлэтэ салҕанар. Ахсынньы 16 күнүнээҕи…
Аны күһүҥҥүттэн оскуолаҕа тутта-хапта сылдьыы иһин сыана туруоруохтара. Тустаах докумуону нуорма-быраап аакталарын бырайыагын федеральнай порталыгар…
Дьокуускайга Күөх Хонуу аттыгар ыытыллыбыт Кириһиэнньэ сөтүөтүгэр 865 киһи кытынна. Тохсунньу 18 күнүгэр Өлүөнэ өрүскэ…
Киин куоракка күннэтэ кэриэтэ араас быһылааннар тахса тураллар. Бу күннэргэ арыгы содулуттан эдэр дьахтар эчэйиилээх…
Бүгүн, тохсунньу 19 күнүгэр, өрөспүүбүлүкэ арҕаа, соҕуруу өттүгэр, Халымаҕа, киин оройуоннарга сорох сиринэн кыралаан хаардыаҕа. …
Бу нэдиэлэҕэ халлаан куйаарыгар улахан уларыйыы күүтэр – Күн Чубуку бэлиэтиттэн тахсан, саҥаны, сонуну сөбүлүүр…