ЯСИА хаартыската
Байыаннай дьайыы кыттыылаахтара уонна кинилэр дьиэ кэргэттэрин чилиэннэрэ, уопсайа 900 кэриҥэ киһи, кэлим реабилитацияны ааста.
Ю.П.Степанов аатынан доруобуйаларынан хааччахтаахnfh уонна кырдьаҕастар өрөспүүбүлүкэтээҕи социальнай-чэбдигирдэр кииннэригэр 453 байыаннай дьайыы кыттыылааҕа уонна 434 кинилэр дьиэ кэргэттэрин чилиэннэрэ доруобуйаларын чэбдигирдиммиттэр. Бу туһунан киин дириэктэрэ Асида Алексеева иһитиннэрдэ.
—Бу үлэ СӨ Ил Дархана Айсен Николаев сорудаҕынан ыытыллар. Биһиги тэрилтэбитигэр байыаннай сулууспалаахтарга уонна кинилэр чугас дьонноругар улахан болҕомто ууруллар, кинилэр этэҥҥэ буолалларыгар эргиччи үлэ ыытыллар. Улахан болҕомто социальнай-психологическай уонна социальнай-мэдиссиинискэй боппуруостарга ууруллар, — диир кини.
Этиллибитинэн, тэрилтэ «Самородок» сөтүөлүүр сири кытта бииргэ үлэтэ салҕанар. Манна байыаннай дьайыы кыттыылаахтарыгар анал дьарык ыытыллар. Ону таһынан Арчы дьиэтигэр алгыска сылдьан уоскуйалларын туһунан этиллэр.
Кииҥҥэ өйөбүл миэрэлэрин, үөрэтии, дьарыктаах буолуу, үлэҕэ киирии туһунан иһитиннэриилэр, сүбэлэр-амалар оҥоһуллаллар. Өрөспүүбүлүкэ тэрилтэлэрин бэрэстэбиитэллэрин кытта уопсайа 73 көрсүһүү ыытыллыбыт.
Сиһилии https://www.sakha.gov.ru/news/6826 манна көрүҥ.
СӨ Ил Дарханын уонна Бырабыыталыстыбатын пресс-сулууспата
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…