«Тоҕус томтор оонньууларын» кыайыылааҕа 500 тыһ.солк. наҕараадаланыаҕа

Чурапчы улууһугар бэс ыйын 19-21  күннэригэр «Тоҕус томтор оонньуулара» диэн үгэскэ кубулуйбут дэгит күрэс ыытыллыаҕа. Кыайыылаах эр бэрдэ 500 тыһ.солк. наҕараадаланыаҕа.

Күрэхтэһии успуорт төрүт көрүҥнэригэр успуорт маастара Степан Алексеев кэриэһигэр ыытыллар. Кыттааччылар 80 киилэ ыйааһыннаах бэрэмэдэйдээх сүүрүөхтэрэ, мас тардыһыахтара, тутум эргийиэхтэрэ, 400 миэтэрэҕэ сүүрүөхтэрэ, ыстаныахтара, хапсаҕайдыахтара, кулун тардыһыытыгар, оҕунан ытыыга, бэрэбинэни көтөҕүүгэ күрэхтэһиэхтэрэ.

Кыайыылаахтар 500 тыһ.солк, 300 тыһ.солк. уонна 150 тыһ.солк. наҕараадаланыахтара диэн «Спорт Якутии» телеграм-ханаала иһитиннэрэр.